Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Media britanike “The Sun” ka publikuar një artikull në të cilin thotë se e shumë nga emigrantët që hynë në Britani janë “vrasës, terroristë dhe përdhunues”, dhe për këtë përdor shembullin e një personi për të cilin pretendon se është shqiptar. Personi në fjalë, sipas medias britanike ka vrarë gruan dhe ndodhet në Angli lu kërkon azil pasi ka frikë se mund të vritet në vendin e tij për shkak të gjakmarrjes.
“Tregtarët e drogës, gangsterët , mashtruesit dhe përdhunuesit e fëmijëve janë gjithashtu në mesin e dhjetëra mijërave që kanë kaluar Kanalin – shumë prej tyre jetojnë në shtëpi të financuara nga taksapaguesit dhe marrin para në dorë, ndërsa punojnë ilegalisht.”, shkruan “The Sun”.
“Por në një rast befasues, një shqiptar që vrau gruan e tij nuk mund të dërgohet në shtëpi për arsye të të drejtave të njeriut nga frika se familja e viktimës së tij do ta ndjekë dhe do ta vrasë.”, vijon media britanike.
“Ai tani punon një lavazh makinash me para në dorë pranë një supermarketi Waitrose në Northamptonshire ndërsa kërkon përfitime dhe lufton për azil përmes gjykatave me ndihmën ligjore të financuar nga taksapaguesit.”, vijohet më tej në artikull.
Media britanike shkruan se shqiptari mburrej me të kaluarën e tij kriminale.
“Shqiptari konfirmoi se vrau gruan e tij, duke shtuar: “Bëra dhjetë vjet burg. Tashmë kam një problem të madh në Shqipëri. Nëse kthehem, familja e gruas sime dëshiron të më vrasë. Dua të qëndroj këtu sepse jam i frikësuar. Kam ardhur për një jetë të re. Unë jetoj në Northampton dhe kam një të dashur me një fëmijë. Mbërritjet me precedentë të rëndë kriminalë monitorohen nga shërbimi i sigurisë MI5 dhe agjenci të tjera të ndryshme si dhe nga Home Office.”, thuhet në artikull.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
