Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Opozita sot do të zhvillojë një protestë, ku do të ketë bllokim të kryqëzimeve kryesore në disa qytete.
Policia ka marrë të gjitha masat, duke u dislokuar në këto kryqëzime me qëllim ruajtjen e rendit dhe sigurisë. Në kryqëzimin e Levanit ka prani të shtuar të forcave të policisë. Edhe pse nuk parashikohet një skenar me përplasje, sërish policia është e pajisur me skafandra, në rast të një skenari tjetër.
Edhe në Tiranë, pranë ish sheshit Shqiponja, përveç forcave të shtuara të policisë ka edhe autobotë me ujë, që do të përdoren për shpërndarjen e protestuesve në rast se do të jetë e nevojshme.
Opozita ka njoftuar në policisë se do të protestojë dhe do bllokojë akset kryesore të rrugëve në Shqipëri nga ora 17:00 deri në orën 20:00.
Policia tha nje dite me pare qe Partia Demokratike e Shqipërisë ka paraqitur kërkesën për zhvillim të tubimeve, nga ora 17:00 deri në orën 20:00 në disa akse rrugore kryesore në vend, konkretisht: “Tiranë–Durrës”, pranë mbikalimit të Kamzës; “Durrës-Tiranë”, pranë mbikalimit të Shkozetit; “Kashar–Milot”, pranë kryqëzimit të Milotit; “Elbasan–Tiranë”, te rrethrrotullimi i Bradasheshit; “Durrës–Fier”, te rrethrrotullimi i Rrogozhinës dhe “Levan–Tepelenë”, te rrethrrotullimi i Levanit.
Deputetët e Partisë Demokratike do të bllokojnë rrugët me makinat e tyre. Ky është plani i opozitës, detajet e të cilës u zbuluan nga deputetja Dhurata Çupi. Ajo u shpreh se ka shumë arsye që ata të dalin në protestë, ndërsa ftoi qytetarët që ti bashkohen. “Makina ime do të jetë në reshtin e parë. Unë jap shembullin time. Nëse unë nuk do isha me makinën time do ishte e padrejtë”, tha ndër të tjera Dhurata Çupi.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
