Publikuar më 02.07.2025 nga shekulli_admin

Në Cërrik po zhvillohet një takim i rëndësishëm, ku kryeministri Edi Rama mbledh krerët e bashkive të Qarkut Elbasan. Në fokus të diskutimeve është agjenda “Bujqësia 2030” dhe sfidat e mundësitë në këtë sektor.

Në takim marrin pjesë edhe ministrat Anila Denaj dhe Belinda Balluku, si dhe drejtues të agro-turizmit. Ky është një hap drejt zhvillimit dhe mbështetjes së bujqësisë në rajon.

Gjatë takimit në Cërrik me fokus bujqësinë, kryeministri Edi Rama theksoi se kryebashkiakët janë larguar nga lidhja me fshatin dhe nuk e shohin zhvillimin rural si pjesë të përgjegjësive të tyre.

Ai u shpreh se pas reformës administrative territoriale, vëmendja ndaj fshatit ka pësuar rënie, duke u reduktuar në çështje infrastrukturore dhe urbanistike, ndërsa zhvillimi i sipërmarrjeve bujqësore mbetet i mangët.

Rama theksoi nevojën për një kthesë në këtë qasje, duke nënvizuar mungesën e modeleve të suksesshme të bashkëpunimit mes fermerëve, sipërmarrësve dhe pushtetit vendor.

Ai përmendi linjën e re të kredisë prej 250 milionë eurosh nga Banka e Shqipërisë, e cila synon mbështetjen e projekteve bujqësore dhe rurale. Megjithatë, Rama paralajmëroi se pa ndryshuar qasjen e kryebashkiakëve, këto fonde mund të mos sjellin rezultate domethënëse.

Ai nënvizoi rëndësinë e bashkëpunimit dhe angazhimit të përbashkët për të përfituar maksimalisht nga këto mundësi financiare. Kryeministri kërkoi një përkushtim më të madh ndaj zhvillimit të qëndrueshëm rural dhe mbështetjes së fermerëve në çdo bashki.

Gjatë fjalës së tij Rama theksoi se duhet një ndryshim në qasjen e pushtetit vendor dhe lokal lidhur me fshatin dhe zhvillimin rural.

Kryeministri tha se zgjerimi i bashkive me përmasa rurale, në kuadër të reformës administrative territoriale, në vend se të sillte rritje të vëmendjes dhe mundësive për fermerët në fshat ka sjellë shkëputje.

Për këtë arsye Rama tha se kryetarët e bashkive duhet të shikojnë fshatin si pjesë të punës në funksion të zhvillimit.

“Qysh se është bërë reforma administrative territoriale dhe bashkitë janë zgjeruar me përmasën rurale në vend se kjo të sillte rritje të vëmendjes dhe mundësive për fermerët në fshat ka sjellë shkëputje. Kryetarët e bashkive e shikojnë fshatin si çështje të urbanizimit të infrastrukturës rrugore por nuk e shikojnë si pjesë të punsës së tyre të përditshme në funksion të zhvillimit. Duhet patjetër të garantojmë kthesë në këtë drejtim”, u shpreh kryeministri.

Rama vijoi duke thënë se ende sot në vendin tonë nuk ka asnjë ndërmarrje të vetme bujqësore të krijuar me kontributin dhe bashkëpunimin e fermerëve, sipërmarrësve dhe strukturave të pushtetit vendor.

“Janë bërë disa tentativa….por faktikisht nuk mund të themi se kemi krijuar një model”, theksoi Rama.

Gjithashtu Rama tha se linja e re e kredisë për fshatin rrezikon të mbetet e pashfrytëzuar.

“Kemi vendosur në dispozicion të feremrëve dhe të fshatin një linjë të re kredie nga Banka e Shqipërisë 250 mln euro, shumë kolosale për t’iu përgjigjur ambicieve dhe të mbështetur projektet në fshat. Shpresoj shumë që nga kjo bisedë e sotme të ccelin një kapitull të ri bashkëpunimi. Nuk është vetëm linja e re e kredisë që ka nevojë të shfrytëzohet maksimalisht dhe që rrezikon të mbetet e pashfrytëzuar”, tha Rama.

Edi Rama: Kemi krijuar ndjesinë që jemi në nevojën për tu afruar më shumë dhe për të dëgjuar më shumë nga jeta e përditshme reale e njerëzve që jetojnë dhe zhvillojnë aktivitetin e tyre të sipërmarrjes në fshat.

Kemi mundur të informohemi për gjëra që në pamje të parë janë të thjeshta, por fatkeqësisht janë jashtë rrezes së vëmendjes nga ana e qeverisë dhe strukturave tona vendimmarrëse.

Dua të them që arsyeja pse e kemi ndërtuar këtë tryezë diskutimi në një formë tjetër është sepse duam që diskutimi të shtrihet në ccdo detaj dhe që opinioni juaj të mund të shtjellohet plotësisht në një hapësirë informale.

Pas këtij diskutimi do mundohemi të gjejmë rrugët që ky kontakt i vazhdueshëm të jetë më i frytshëm dhe më i dobishëm në funksion të politikave dhe vendimmarrjeve tona.

Qysh se është bërë reforma administrative territoriale dhe bashkitë janë zgjeruar me përmasën rurale në vend se kjo të sillte rritje të vëmendjes dhe mundësive për fermerët në fshat ka sjellë shkëputje.

Kryetarët e bashkive e shikojnë fshatin si çështje të urbanizimit të infrastrukturës rrugore por nuk e shikojnë si pjesë të punsës së tyre të përditshme në funksion të zhvillimit. Duhet patjetër të garantojmë kthesë në këtë drejtim.

Ende sot nuk kemi asnjë ndërmarrje të vetme bujqësore të krijuar me kontributin dhe bashkëpunimin e fermerëve, sipërmarrësve dhe strukturave të pushtetit vendor. Janë bërë disa tentativa….por faktikisht nuk mund të themi se kemi krijuar një model.

Kemi vendosur në dispozicion të feremrëve dhe të fshatin një linjë të re kredie nga Banka e Shqipërisë 250 mln euro, shumë kolosale për t’iu përgjigjur ambicieve dhe të mbështetur projektet në fshat.

Shpresoj shumë që nga kjo bisedë e sotme të ccelin një kapitull të ri bashkëpunimi. Nuk është vetëm linja e re e kredisë që ka nevojë të shfrytëzohet maksimalisht dhe që rrezikon të mbetet e pashfrytëzuar.