Një ngjarje e rëndë është regjistruar mesditën e së enjtes në një fshat të Maliqit. Nga burime bëhet e ditur se një 71-vjeçar ka ngacmuar seksualisht një vajzë të mitur.
Policia shpjegon se ka qenë babai i vajzës ai që ka bërë denoncimin në polici ndërkohë sipas deklarimeve ngjarja ka ndodhur në një kënd lojërash në afërsi të shkollës së fshatit. Veprimet e turpshme ndaj vajzës së mitur (që dyshohet të ketë tentuar ta zhveshë) i ka parë një banore tjetër e zonës e cila e ka larguar menjëherë vajzën nga vendngjarja.
Mësohet se i moshuari me inicialet P.L., jeton vetëm në po të njëjtin fshat pasi bashkëshortja dhe fëmijët e tij jetojnë jashtë vendit. Policia ndërkohë po heton rastin ndërkohë që 71-vjeçari ka rënë në prangat e policisë.
“Komisariati i Policisë Maliq arrestoi në flagrancë shtetasin P. L., 71 vjeç, banues në fshatin Sheqeras, Maliq, pasi dyshohet se ka ngacmuar seksualisht një 9-vjeçare.”, sqaron policia.
Banorja ka rrëfyer se fillimisht e ka parë nga larg ngjarjen dhe në momentin që është afruar në parkun e lojërave po ndodhte gjithçka, ka parë një panoramë të tmerrshme.
Momentin kur ka mbërritur, ajo tregon se ka parë 71-vjeçarin gjysmë të zhveshur dhe gati për të kryer aktin e rëndë me të miturën.
“Ishte mesditë rreth orës 13:30, pashë nga larg një situatë të sikletshme.
P.L, kishte shkuar në këndin e lojërave në shkollën e fshatit dhe kishte tërhequr me vete edhe vajzën e mitur.
Të dy i njoh se janë banorë të fshatit, shkoj menjëherë aty për të parë çfarë po ndodhte sepse nga larg nuk isha shumë e sigurt.
Kur shkoj aty pashë tmerr me sy, të moshuarin e pashë gjysmë të zhveshur edhe vajzën gjithashtu.
Ishte gati për të kryer marrëdhënie seksuale, po e tërhiqte vajzën e mitur drejt vetes, unë nuk e lashë, e mora vajzën direkt. Shyqyr që nuk ndodhi asgjë, vajza është shumë mirë përveç se ka pësuar traumë nga ngjarja”, ka rrëfyer ajo.
Ndërkohë, 71 vjeçarin e goditi dy herë me grusht edhe një banor tjetër pasi mësoi për ngjarjen.
Nga ana tjetër sipas burimeve nga policia po hetohet nëse 71 vjeçari e kishte ngacmuar edhe herë të tjera dhe nëse i ka ofruar lekë vajzës pasi sipas banorëve vajzën e ka ngacmuar për ditë me radhe duke i thënë se do t’i jepte lekë.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/