Pirro Naçi
Njerëzit e famshëm dhe sidomos artistët në përgjithësi përdorin pseudonime apo emra që janë fonetikisht të këndshëm dhe të lehtë për kujtesën. Salvador Domingo Filipe Jacinto Dali i Domench…do ta mbanim mend ? Vështirë…Shkurt, Salvadore Dali, u bë i njohur në të gjithë botën…
Edson Arantes do Nascimento vështirë do ta kujtonim po të mos kishte të shkruar në bluzë emrin Pele?… Të gjithë e njohim si Lady Gaga, por emrin e vërtetë e ka Stefani Joanne Angelina Germanotta… Përveç njerëzve ka edhe vende të ‘’shquara’’ që kanë marë ‘’pseudonime’’…
Kush nuk e njeh ‘’Syrin e Kaltër’’!… Një vend dhe një emër shumë i bukur. Por ky është ‘’pseudonimi’’ që e mori kur u ndërtua diga. Emrin e vërtetë, atë që e flisnin Muzinjotët dhe fshatrat për rreth, për shumë e shumë vite, ndoshta shekuj, është Tharro-pino ose Tharropina. Nga greqishtja, Tharro-pino përbëhet nga dy fjalë. Tharo-Θάρρο-ς , që do të shprehë fuqinë që ka njeriu për të përballuar situata të rrezikshme, duke i kapërcyer ato, duke larguar frikën…Dhe fjala tjetër, pi ose pino, është pothuajse e njëjtë në të dy gjuhët. Nga ky këndvështrim më duket shumë interesante, fantastike… Por kjo, më shumë është punë specialistësh… Brenda këtij emri, mund të gjesh edhe mitologji edhe histori. …
Të kuptosh historinë, nuk do të thotë thjesht ta lexosh atë. Studimi i saj, lehtësohet nga disiplina historike ndihmëse. Pa një studim të plotë të tyre, është e vështirë të interpretosh emra, fakte,vende dhe ngjarje… Vetëm Onomastika, që është shkenca që studjon emrat dhe historinë e origjinës, ndahet në disa nën degë. Toponimia që hulumton emrat gjeografik, Antroponimia emrat e njerëzve, Etnonimia emrat e qytete… Kush di të lexojë historinë nga ky këndvështrim, nuk bën gabim, as spekullime…
Me të vërtetë ‘’pseudonimi’’ ‘’Syri i Kaltër’’ është shumë i bukur,por mos të harojmë se u vendos dhe u ‘’pagëzua’’ 60 vjet më parë, në një mbledhje të organizatës së partisë!!!… Eeee, si t’ja bëjmë, mund t’i lëmë mënjanë dhe injorojmë shkencat që përmendëm më lart vetëm nga orjentime partiake? Shkenca nuk mer vendime, por bën interpretime… ‘’Ai që më vjedh portofolin, më vjedh mbeturina… Por ai që më grabit emrin tim të mirë, më grabit diçka që nuk do ta bëjë të pasur, por mua do të më bëjë vërtet të varfër’’- shkruante Shekspir.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/