Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Zbardhen të tjera detaje në lidhje me ekzekutimin e 6 shtetasve turq në Luca të Greqisë, për të cilët media greke tha fillimisht se ishin shqiptarë. Autoritetet kanë nisur një gjueti për kapjen e autorëve. 6 viktimat janë anëtarë të të ashtuquajturës mafia “Dalton”, të kryemafiozit turk Baris Boyun. Sipas informacioneve, personi i arratisur mësohet se jeton në Rimini të Italisë, ndërsa është themelues i një zyre atentatorësh në Stamboll. Anëtarët e mafies janë aktivë në trafikun e drogës dhe në fillim të gushtit, ata dyshohet se ekzekutuan dy rivalë në një apartament në Alpet Franceze. Disa nga ekzekutorët, dyshohet se mund të jenë viktimat e pak ditëve më parë.
Sipas burimeve policore, dyshohet se viktimat ata kanë ardhur në Greqi për t’u mbrojtur dhe për të gjetur një strehë të sigurt, pasi lufta me mafien rivale është ndezur. Autorët i kanë pikasur dhe i kanë qëlluar me breshëri armësh të paktën 60 herë. Po ashtu mësohet se armët që janë përdorur në krim janë 3 pistoleta, ose një pistoletë e modifikuar. Sakaq, makina e përdorur nga gjashtë viktimat thuhet se nuk është e vjedhur dhe ka targa të ligjshme gjermane dhe është në pronësi të një shtetasi gjerman. Kalimi i makinës me gjashtë pasagjerët është bërë gjatë gushtit të kaluar pas vrasjeve në Alpet Franceze, në stacionin kufitar Euzones.
Po ashtu dje është zbuluar dhe shtëpia ku jetonin viktimat, e cila ndodhet në zonën e Lucas. Policia beson se autorët kishin informacione të brendshme për lëvizjen e objektivave. Katër nga viktimat, të moshës 25 deri në 28 vjeç, u gjetën të vrarë brenda makinës. Shoferi 26-vjeçar ka dalë nga mjeti duke u përpjekur të shmangë zjarrin, si dhe një nga pasagjerët në sediljet e pasme. Dje, policia arrestoi në aeroportin “El. Venizelos” një turk 32-vjeçar, me dy karta portugeze false dhe 4 fishekë të kalibrit 9 mm. Ndërkohë, po vijojnë hetimet nëse i arrestuari ka lidhje me masakrën në Luca.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
