Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Prapa Teatrit të Operas dhe Baletit, ku deri më sot ka qenë një park për fëmijët, ka nisur puna për ndërtimin e një kulle të rë.
Në këtë hapësirë të gjelbër do të ndërtohet një kullë prej 185 metrash, duke shënuar kështu edhe një rekord për ndërtesën më të lartë të Tiranës.
Kompania ndërtuese do të jetë Nova Construction 2012, ndërsa studio arkitekturore daneze Cebra ka ideuar ndërtesën me 58 kate mbi tokë dhe 7 të tjera nën tokë.
Lëvizja Bashkë dhe qytetarët ka zhvilluar një protestë në qendër të Tiranës, në mbrojtje të parkut dhe kundër ngritjes së gradaçelës.
Qytetarët, po ashtu edhe shoqëria civile janë bërë bashkë kundër ndërtimit që pritet të realizohet mes pallateve 9-katëshe dhe TOKB.
Parku është rrethuar dhe pritet të kthehet në një kantier ndërtimi.
“Këta ulërasin do të bëjmë Dubai, por Dubai ngrihet mbi asgjë. Hiqni dorë, mos ju bindni një njeriu pa dinjitet. Çdo pallat që ngrihet në Tiranë është një vrasje”, u shpreh një protestues.
Pedagogu Ervin Goci pjesë ekësaj proteste u shpreh se ky sistem nuk do të ndalojë deri sa të ndëtojë në çdo cep të vendit.
“Kjo kauzë dhe shumë kauza të tjera, ndërtimi në Tiranë nuk ka asnjë dallim nga inceneratori. Skema e inceneratorëve ndoshta është më e shpejtë, por skema të tilla janë grabitje. Toka këtu është pasuri publike, siç mbrohen taksat duhet mbrojtur edhe prona.”, tha ai.
Në rrjetet sociale ka pasur zemërim, pasi në Tiranë po zhduket dhe një park tjetër, ndërsa e vetmja lëvizje politike që po proteston është ajo ‘Lëvizjes Bashkë’ e drejtuar nga Arlind Qori.
“Tiranës po i zhduket një nga parqet e fundit, ai që shtrihet midis pallateve 9-Katëshe dhe Teatrit të Operës dhe Baletit. Dhuna e betonit nuk ka të ndalur. Pushtetarë të korruptuar dhe oligarkë të pangishëm po na lenë pa një prej hapësirave të fundit publike e të gjelbra që i kanë mbetur qytetit. Po ne, qytetarët e Tiranës, jemi më të fuqishëm se pushteti dhe miliardat e tyre”, njoftoi ndër të tjera Lëvizja Bashkë.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.gif)
