Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Fleta e votimit që do t’u paraqitet qytetarëve të Tiranës më 11 maj do të jetë e një madhësie të pazakontë, duke qenë se në të listohen 11 subjekte politike, secila me kandidatët e vetë të listës së hapur.
Kjo fletë ka përmasat 30 cm gjatësi me 60 cm gjerësi, ndërsa nuk mungojnë shqetësimet se formati i madh i saj do të mund të krijojë probleme për disa votues.
Në rreshtin e parë ku renditen 11 subjektet zgjedhore në garë, zgjedhësit duhet të votojnë në kutinë përbri duke vendosur një kryq (X) ose një plus (+).
Më tej, poshtë secilit subjekt listohen kandidatët përkatës të listës së hapur, ku votuesit mund të zgjedhin sërish një prej emrave duke votuar në të njëjtën mënyrë si për subjektin, pra duke vendosur një kryq (X) ose një plus. Gjithashtu ekziston mundësia që votuesit të zgjedhin të votojnë vetëm për subjektin politik, pa vendosur detyrimisht për një emër të caktuar. Kjo votë do të quhet e vlefshme.
Nëse zgjedhësit do të votojnë vetëm për një kandidat specifik, pa zgjedhur një subjekt politik, vota do të llogaritet për subjektin pjesë e të cilit është kandidati i votuar.
Nga ana tjetër, vota do të quhet e pavlefshme nëse ka një kontradiktë në zgjedhjen e kandidatit të preferuar dhe subjektit politik, që do të thotë se kandidati i zgjedhur duhet t’i përkasë të njëjtit subjekt politik të votuar në mënyrë që vota të quhet e vlefshme.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
