Tragjik ka qenë fundi i shqiptares 41-vjeçare, Gjeorgjia Murati, e cila u masakrua me thikë nga partneri i saj, që tentoi më pas të fshihte ngjarjen. Murati ishte në muajin e 3-të të shtatzënisë, me partnerin që i mori jetën, ndërsa po ashtu kishte edhe një djalë nga një lidhje e mëparshme.
Sipas mediave greke autori i krimit e ka vrarë atë me thikë, duke e goditur tre herë, dhe më pas e ka transportuar me një mjet drejt në një tokë bujqësore, ku e ka groposur për ta fshehur. Për këtë ai është ndihmuar edhe një mik i tij.
Ngjarja dyshohet se ka ndodhur mbrëmjen e ndërrimit të viteve, ku ishte ai që e shpalli atë të humbur, duke dalë madje dhe në media e duke folur për situatën në të cilën ndodhej dhe shqetësimin që kishte për fatin e saj.
Ka qenë shoku i tij ai që ka rrëfyer ngjarjen dhe ka çuar policinë drejt vendit ku ishte fshehur trupi i 41-vjeçares, ndërsa vetë partneri i saj ka deklaruar se nuk e ka vrara ai, por fajin ia ka hedhur shokut të tij.
39-vjeçari grek i arrestuar për vrasjen e partneres shqiptare Gjeorgjia Murati në Selanik të Greqisë, e cila ishte në muajin e tretë të shtatzënisë ka mohuar akuzat. “E vranë teksa flija, nuk e bëra unë”, mësohet te ketë deklaruar ai sipas Protothema.gr. Sipas mediave greke, autori pretendon se bashkëpunëtori i tij, që ka rrëfyer krimin, po e implikon në vrasje.
Në fakt, 39-vjeçari mësohet se ka thënë në dëshminë e tij se atë natë fatale të Vitit të Ri kishte marrë pilula të rënda gjumi për të fjetur dhe kur u zgjua në mëngjes gruaja nuk ishte në shtëpi. Ai pretendon se shoku i tij së bashku me një bashkëpunëtor të panjohur, vranë 41-vjeçaren dhe ai vetë nuk e kuptoi se ishte në gjumë.
“Nuk kam bërë asgjë, gjithçka ka ndodhur natën teksa flija”, mësohet të ketë thënë ai në polici. Shqiptarja ishte raportuar e zhdukur që prej ditës së Vitit të Ri. Ishte 34-vjeçari, shok me partnerin e gruas, që ka rrëfyer gjithçka duke pranuar se e kishte ndihmuar atë që ta zhdukte trupin në një zonë të pyllëzuar.
Sipas asaj që shkruajnë mediat greke, 39-vjeçari kishte përgatitur një “grabitje false”. Më pas autori së bashku me mikun e tij, 34 vjeç, kishin planifikuar të shkonin të shtëpia e Muratit, ku do të merrnin një shumë prej afro 8 mijë eurosh.
Ishte pikërisht miku i autorit i cili rrëfeu para autoriteteve se rreth orës 11 të natës së Vitit të Ri, 39-vjeçari dhe partnerja e tij u kthyen në shtëpinë e tyre. Ai vetë ishte fshehur në errësirë.
Ai rrëfeu se e kërcënuan 41-vjeçaren me thikë, e çuan në dhomën e gjumin ku e prangosën dhe i mbuluan sytë. Sipas dëshmisë të 34 vjeçarit, ai zbriti automjetin që do të largoheshin, dhe vetëm pas afro 10 minutash zbriti partneri i Muratit.
“Dhjetë minuta më vonë ai zbriti dhe më kërkoi ndihmë duke më thënë se i ka vdekur partnerja”, mësohet se i ka thënë policisë 34-vjeçari duke treguar se gruan e ka gjetur në një pellg gjaku.
I marrë në pyetje nën hetim nga efektivët e policisë, 39-vjeçari deklaroi se nuk kishte dijeni për fatin e partneres së tij. Informacionet thonë se ai ka dëshmuar se natën e ndërrimit të viteve kanë fjetur bashkë dhe mëngjesin e nesërm partnerja e tij 41-vjeçare shtatzënë është larguar me një destinacion të panjohur, duke iu marrë para nga kursimet e përbashkëta.
Dy të arrestuarit për vrasjen brutale të 41-vjeçares shqiptare, e cila ishte dhe shtatzënë, trupi i së cilës u gjet pasditen e së hënës në një zonë me shkurre pranë Monopigados, do të dalin sot para Gjykatës së Selanikut, një javë pas zhdukjes së saj.
Ndaj partnerit 39-vjeçar të gruas fatkeqe dhe shokut të tij 34-vjeçar është ngritur akuza për veprat penale të vrasjes, ndërprerjes së shtatzënisë, grabitjes (të gjitha në bashkëpunim), si kundërvajtjet e armëmbajtjes dhe përdorimit pa leje. Pas urdhrave të arrestit, dy të pandehurit për vrasjen mizore që tronditi Greqinë dhe Shqipërinë, do të kalojnë “pragun” e hetuesisë së 4-të të rregullt, ndërsa pritet që në ditët në vijim të kërkojnë afat për të kërkuar falje.
Nga ekspertiza mjeko-ligjore e kryer në trupin e 41-vjeçares dhe publikuar nga protothema.gr, rezultoi se viktima kishte një plagë në pjesën e djathtë të qafës së mitrës, ndërkohë që gjithësej ka marrë tre goditje nga një thikë kuzhine, të cilat i kanë shkaktuar gjakderdhje të pakontrollueshme. Trupi i saj u gjet në një çantë në Monopigado Thermi vonë pasditen e së hënës.
Çfarë pretendon 39-vjeçari
Ndërkohë, sipas informacioneve, partneri 39-vjeçar i viktimës, i cili që në momentin e parë ishte i dyshuari kryesor i çështjes, ende mohon të ketë lidhje me vrasjen e 41-vjeçares Gjorgjie Murati. Gruaja, ishte nënë e një fëmije 13 vjeç dhe ishte në muajin e tretë të shtatzënisë.
39-vjeçari paraqitet “i zemëruar” në polici dhe pretendon se shoku i tij – i bashkëakuzuari i tij – e ka në shënjestër dhe nuk e di pse po e implikon në vrasjen brutale të partneres së tij. I akuzuari pretendon se atë natë fatale të Vitit të Ri kishte marrë një “pilula të rënda gjumi” për të fjetur dhe kur u zgjua në mëngjes gruaja nuk ishte në shtëpi. Ai pretendon se shoku i tij, së bashku me një bashkëpunëtor të panjohur, kanë vrarë Gjeorgjinë dhe ai vetë nuk e ka kuptuar sepse ishte në gjumë. “Nuk kam bërë asgjë, gjithçka ka ndodhur natën teksa flija”, mësohet të ketë thënë ai në polici.
Nëntë denoncime dhe katër dënime për rrahjen e motrës
39-vjeçari Akis ishte i njohur për autoritetet për të precedentët e tij për dhunë, është arrestuar dhe dënuar disa herë për rrahjen e motrës së tij, ndërsa ndaj tij janë bërë edhe denoncime për abuzim nga ish-bashkëshortja e tij, me të cilën kanë së bashku dy fëmijë.
Konkretisht, ai është dënuar në mënyrë të parevokueshme për rrahjen e motrës së tij me; 2 vjet e 3 muaj në vitin 2021 për dëmtim të rrezikshëm trupor në familje dhe armëmbajtje pa leje.
– Deri në 19 muaj në vitin 2022 për dëmtim trupor në familje, kanosje në familje dhe abuzim verbal.
– Me 13 muaj në vitin 2023 lëndime trupor dhe kërcënime në familje.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/