Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Ditët e para të vitit 2024 kanë sjellë lajmin e trishtueshëm për futbollin botëror: Legjenda e futbollit, Franc Bekenbauer, është ndarë nga jeta sot në moshën 78-vjeçare!
Ish-futbollisti, trajneri e drejtuesi i njohur sportiv gjerman, i cili mbajti për shumë vite nofkën “Kaizeri”, është ndarë nga jeta të dielën, por lajmi u bë zyrtar vetëm sot nga familja e tij me një njoftim që iu shpërnda mediave.
“Është me trishtim të madh që lajmërojmë se burri dhe babai, Franc Bekenbauer, u nda nga jeta paqësisht në gjumë gjatë ditës së djeshme, të dielën, i rrethuar nga familja e tij. Ne ju kërkojmë që të na lejoni ta vajtojmë në qetësi dhe të përmbaheni nga drejtimi i pyetjeve”, shkruhej në njoftimin që u shpërnda për mediat nga familja e ikonës së futbollit botëror.
Bekenbauer cilësohet nga shumëkush si një nga futbollistët më të mëdhenj të të gjitha kohëve, Ai ishte kapiteni legjendar i Gjermanisë që u shpall Kampione Bote në vitin 1974, teksa më pas e fitoi atë trofe edhe si një trajner në vitin 1990.
Beckenbauer iu bashkua skuadrës së Bayern Munichut në 1958 dhe bëri debutimin e tij në ekipin e parë në 1963. Si kapiten nga viti 1971, ai ndihmoi Bayernin të fitonte tre Kupa të Kampionëve (1973–74, 1974–75, dhe 1975–76) dhe katër tituj me kombëtaren.
Në vitin 1971, u emërua kapiten i ekipit kombëtar të Gjermanisë Perëndimore, duke e udhëhequr atë në Kampionatin Evropian 1972 dhe Kampionatin Botëror 1974. Franz u emërua Futbollisti Evropian i Vitit në 1972 dhe 1976.
Emri i legjendës së njohur do të jetë i gdhendur përgjithmonë në librin e historisë, pasi ka fituar edhe dy Topa të Artë. Kampion bote si lojtar më 1974 dhe si trajner në 1990, “Kaiser” u shndërrua shpejt në një lojtar të pazëvendësueshëm.
Bekenbauer kishte vite që ishte tërhequr nga jeta publike. Kjo, për shkak të vdekjes së djalit të tij Stefan në vitin 2015 e sidomos pas akuzave për ryshfete që kishte marrë në periudhën kur ai ishte drejtues i Komitetit Organizator të Botërorit 2006.
Gjendja e tij shëndetësore ishte përkeqësuar ndjeshëm në vitet e fundit. Ai kishte pasur probleme me syrin, më pas një operacion në zemër të shoqëruar nga Parkinsoni dhe demenca e pjesshme. Ai kishte vuajtur shumë vitet e fundit për shkak të këtyre situatave shëndetësore dhe nuk kishte marrë pjesë në asnjë aktivitet publik, për të shmangur prishjen e imazhit që kishte krijuar gjatë një karriere shumë të suksesshme.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
