Publikuar më 21.04.2025 nga shekulli_admin

Kryeministri Edi Rama është shprehur se zgjedhjet e 11 majit janë një mundësi, sipas tij, për të shëruar Partinë Demokratike. Kreu i qeverisë tha se duke “tharë kënetën”, mund të rilind diçka e re.

Rama iu drejtua demokratëve: “U them se është një mënyrë për të shëruar atë palo parti, se as parti nuk është më. Duke tharë atë kënetë dhe duke lënë të rilind diçka aty. Jo se më ha shumë meraku se çfarë do të ndodhë me ata, fare. Por logjika e do ashtu.”

Rama:  Me 11 maj është koha e duhur dhe vendi i duhur. Dhe vetëm ne. Këtu në lojë është fati europian i vendit tonë. Ne gjendemi këtu. Ne na qëlloi 11 maji. Duhet ta bëjmë realitet dhe demokratëve… se këtu në Durrës kemi demokratë plot. U them se është një mënyrë për të shëruar atë palo parti, se as parti nuk është më. Duke tharë atë kënetë dhe duke lënë të rilind diçka aty. Jo se më ha shumë meraku se çfarë do të ndodhë me ata, fare. Por logjika e do ashtu.

Ne ishim në Kavajë sot në mëngjes. Në Kavajë që meqë Kavaja me dy gishta mo, ato dy gishta na u bënë… edhe Primaret. Kryetari i PD-së në Kavajë fiton primaret në gjithë Tiranën. Nuk është në listën e kandidatëve. E hëngri bufi. Edhe të tjerët. I kullufiti të gjithë. Tani demokratët nuk kanë për të ardhur në pushtet erdhe për pak kohë, por mos të shkojnë keq e më keq.

Më 11 maj ne do marrim fitoren e 10-të dhe do të jetë një fitore me notën 10 per ne, ndërsa ata do marrin rezuktatin më të keq pas 1997.

Rama nga Durrësi ka ironizuar opozitën, duke thënë se “sa më shumë na marrin inat ne, aq më shumë zhyten.

Ndër të tjera tha se “ne nuk nuk jemi këtu për të zhytur të tjerët, jemi për të ngritur Shqipërinë.”

Rama: Sa me sy të keq na shohin disa mor aman. Plasën nga inati, nga xhelozia, nga zilia. Nuk e di. Plasë. Sa më shumë na marrin inat ne, aq më shumë zhyten. Ne nuk jemi këtu për të zhytur të tjerët, jemi për të ngritur Shqipërinë.

Më kujtohet kur kemi nis këtë rrugë. PS e Durrësit dominoi nga burrat, kishim pak gra. Patjetër kishte plot gra e vajza që votonin , por nuk ishin pjesë organizimit, pjesë e hapësirës ku merreshin vendimet. Po thoshte dikush, po çfarë i ke këto Shqipëria është grua, Tirana është grua. Çfarë do thuash kur të shkosh në Durrës. Jua them unë. Durrësi është burrë por drejtohet nga një grua. E kam shoqe dhe jam shumë krenar për punën që bën, për urtësinë dhe përkushtimin me të cilën e bën punën.

Kryeministri Edi Rama, nga takimi në Durrës, është shprehur se mandati i katërt i nevojitet për të vazhduar procesin e negociatave me BE-në.

Rama tha se procesi nuk mund të lihet në dorën e opozitës, duke thënë “imagjinoni këto procese të kalojnë nga këneta. Nuk na del llogaria e ditëve të merremi me këneta.”

Rama: Ne na duhet diçka më shumë. Jo për mua, por për të pasur një vazhdimësi në negociata dhe për të mos u ndërprerë asnjë sekond. Negociata janë diskutime dhe dakordësi dhe kur bie dakordësia për të bërë gjëra, duhet të kalojë në proces. Kalon në qeveri, parlament, kërkohen vota.

Imagjinoni këto procese të kalojnë nga këneta. Nuk na del llogaria e ditëve të merremi me këneta. Të imagjinosh veten pa pritur dhe pa kujtuar, pasi ua përmbysëm imazhin për Shqipërinë, ua bëmë Shqipërinë një vend të vlerësuar, pasi troç iu mësuam se nuk nga shohin nga lart poshtë, nëse jemi ballë për ballë do na shohin me respekt. Pasi ua kemi mësuar këto, ata të marrin vesh që do flasin me bufin, që në çdo takim fiket llamba tre herë.

Më 16 maj në Tiranë te Sheshi Skënderbej do të vijë gjithë Europa. Jo vetëm BE, por do shkulem në gjithë, nga Lodra në Ankara. Të gjitha ata që janë anëtarë të KiE, do vijnë të gjithë te Skënderbeu, te profeti i historisë shqiptare.