Publikuar më 18.02.2025 nga shekulli_admin

Arrestimi i kryebashkiakut të Tiranës, Erion Veliaj ka qenë kryefjalë e komunikimit që kryeministri Edi Rama zhvilloi me ndjekësit mëngjesin e kësaj të marte në rubrikën e tij, “Sy më Sy”. Rama tha se “nuk do ta tolerojmë një sistem drejtësie të njëanshëm, thjesht dhe vetëm të pavarur, por jo profesional dhe në shkelje të standardeve demokratike”.

Kreu i qeverisw vijoi se “nuk do të lejojmë që në emër të pavarësisë, të shkelen liritë dhe të drejtat e njerëzve, të intimidohen njerëzit që merren në pyetje, të kapërcehen fazat e hetimit dhe gjykimit, dhe paraburgimi të bëhet normë, për të kyçur brenda pa gjyq”. “Kur kushtet e domosdoshme duhet të plotësohen për të paraburgosur dikush janë të qarta dhe praktikisht nuk kanë të bëjnë me një pjesë që janë konsideruar të përmbushura”.

“SPAK është një institucion i pavarur, por sfida është që pavarësia të jetë garanci për profesionalizimin dhe standardet demokratike. Ne nuk do ta tolerojmë një sistem drejtësie të njëanshëm, thjesht dhe vetëm të pavarur, por jo profesional dhe në shkelje të standardeve demokratike. Që do të thotë të të gjithë atyre kritereve të lirive, të drejtave që bëjnë diferencën, mes një drejtësie në diktaturë dhe autokraci dhe një drejtësie në demokraci.

Prandaj edhe ne kemi hyrë në një fazë tjetër, siç ka hyrë edhe SPAK, sepse duhet të kemi një pozicion kritik.

Nuk mund të lejojmë që në emër të pavarësisë të shkelen liritë dhe të drejtat e njerëzve, të intimidohen njerëzit që merren në pyetje, të kapërcehen fazat e hetimit dhe gjykimit, dhe paraburgimi të bëhet normë, për të kyçur brenda pa gjyq, kur kushtet e domosdoshme duhet të plotësohen për të paraburgosur dikush janë të qarta dhe praktikisht nuk kanë të bëjnë me një pjesë që janë konsideruar të përmbushura. Këto janë të gjitha çështje drejt një debati demokratik.Kryeministri Edi Rama përsëriti se ai dhe PS-ja janë garantuesit për mbijetesën e Reformës në Drejtësi në Shqipëri dhe institucioneve të saj”- tha Rama.

Kreu i qeverisë gjatë komunikimit “Sy më Sy” me ndjekësit në rrjetet sociale, tha se SHBA u tërhoq nga mbështetja e institucioneve si SPAK-u, duke iu referuar  ndërprerjes së fondeve financiare për disa programe nga të cilat përfitonte edhe Prokuroria e Posaçme e BKH.

“SPAK-u është i Kushtetutës dhe Reformës në Drejtësi. Për Reformën në Drejtësi po, aty marr autorësinë bashkë me PS. Besoj që tani jemi shumë më të qartë seç ishit, se tani edhe Amerika është tërhequr siç e keni parë nga kjo punë. Nëse SPAK-un do ta kishte sjellë SHBA, tani që SHBA është tërhequr nga kjo punë do ta kishte marrë me vete. Por jo. E vetmja garanci për mbijetesën dhe shkuarjen përpara të SPAK në kushtet e kësaj lufte të gjithanshme që i bëhen nga këneta dhe Bufi plak i kenetës është PS-ja dhe unë në krye të saj. Rrotullohuni nga të doni, reformën në drejtësi e kam bërë unë me PS-në dhe e garantoj unë me PS-në, askush tjetër”, u shpreh Rama.

Ndërkohë që fliste për reformën në drejtësi, kryeministri Edi Rama u ndal tek “drejtësia e vjetër”.

Ai u shpreh se dikur ishte kreu i PD Sali Berisha ai që prangosi ish-kreun e PS Fatos Nano, por se kjo gjë nuk mund të ndodhë më sot.

“Jetojmë në demokraci. Pushtetet janë të ndarë. Nuk arreston qeveria, partia. Nuk arreston politika. Pavarësisht se në disa raste arrestimet e drejtësisë mbajnë erë jo të mirë, por kemi arritur një fazë të re të drejtësisë sonë. Fatos Nano e futi në burg ish kryeministri, bufi i kënetës e futi në burg vetë. Kjo ka marrë fund. këto historitë mos ia thoni vetes. Këtu është çështje drejtësie. Këto punë i di drejtësia. Më e qartë se nuk ka është rasti i “21 janarit”. Çfarë mund të bënim ne? Reformën në drejtësi. Nëse nuk do kishte qenë reforma në drejtësi, do përsërisnim të njëjtat gjëra si ata me bufin e kënetës. Ne nuk jemi ata. Ne jemi drejt Europës. Në këto kushte të ndryshimit tërësor, është filozofi. Është një ndryshim tërësor”, tha ai.

Rama shtoi se pas daljes së Fatos Nanos nga burgu PS u rikthye në pushtet, por si Nano si kryeministër nuk zgjodhi të hakmerrej për gjithçka që i kishte ndodhur, duke zgjedhur kështu rrugën e pajtimit.

“PS u rikthye në qeveri në 97 me një kryeministër që doli nga burgu politik ,që nuk u hakmor. Zgjodhi rrugën e pajtimit, me bashkëjetesë demokratike. Këto kushte çfarë mund të bëjë një forcë politike, veçse një reformë dhe t’i thotë drejtësisë je e pavarur. Duke pranuar edhe koston e kafshimit në trupin e vet për shkak se korrupsioni nuk është problematikë me një pale por me një shoqëri të tërë, që lidhet me të gjithë pjesët e sistemit shoqëror. Vetëm një sakrificë e tillë politike mund ta krijonte pavarësinë e një institucioni”, tha ai.

“Synimi për 2025, një sistem drejtësie të drejtë e të barabartë”, tha Rama më tej duke shtuar se “pjesa e parë e realizuar pavarësisht kostove dhe gjërave që nuk shkojnë, SPAK është një strukturë e re me shumë probleme, është se ka krijuar vetëbesimin e pavarësisë”. “Askush nuk mund të thotë sot se unë kapa dhe kontrolloj SPAK-un. Sfida është që pavarësia të jetë garanci edhe për profesionalizëm dhe standarde demokratike. Nuk duam dhe tolerojmë një sistem drejtësie të pavarur por të njëanshëm dhe jo profesional”, u shpreh Rama.