Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Vetëm pesë minuta pas aktit terrorist në tregun e Krishtlindjeve në Magdeburg ku të paktën 5 persona humbën jetën dhe 200 të tjerë mbetën të plagosur, pasi një makinë hyri furishëm duke goditur njerëzit, Taleb A. 50 vjeç, dërgoi një mesazh në platformën e mediave sociale “X”.
Menjëherë pas kësaj ai është arrestuar nga policia.
Autori i sulmit nuk kishte planifikuar më parë arratisjen e tij nga vendi i krimit.
Në orën 19:07, Taleb A. postoi videon e tij vetëm pak minuta pasi ai vrau njerëzit në tregun e Krishtlindjeve në Magdeburg dhe plagosi më shumë se 200.
Në tekstin e postuar Taleb A. është i indinjuar që autori më i shitur anglez Bruce Daisley kishte bërë thirrje që miliarderi i teknologjisë Elon Musk të arrestohej dhe ekstremisti i djathtë britanik Tommy Robinson të censurohej. Ai më pas e quan Gjermaninë një “shembull të ndritshëm të censurës mediatike”.
Raportohet se Taleb është një aktivist anti-islam, i cili mbërriti në Gjermani në vitin 2006 si refugjat nga Arabia Saudite, sipas Bild.
Ministrja e Brendshme gjermane Nancy Faeser konfirmoi sot para gazetarëve se i dyshuari është islamofobik.
Mjeku thuhet gjithashtu se ka shpërndarë qindra postime të çuditshme në rrjetet e tij sociale në ditët para sulmit. Në njërin prej tyre ai pretendon se Gjermania dëshironte të “islamizonte” Evropën.
Ai thuhet se është gjithashtu një mbështetës i zëshëm i partisë së djathtë AfD. Taleb ka jetuar në qytetin e afërt të Bernburgut – pak më shumë se 30 minuta larg Magdeburgut – që nga arratisja nga Lindja e Mesme.
Mediat gjermane thonë se ai u bë specialist në psikiatri dhe psikoterapi dhe punonte në qytetin fqinj. Ai është njohur zyrtarisht si refugjat që nga viti 2016, thonë mediat lokale.
Mediat gjermane gjithashtu thonë se ata e kanë parë Taleb në një dokumentar të BBC-së në vitin 2019.
Kancelari gjerman Olaf Scholz ka mbërritur në Magdeburg për të nderuar viktimat e sulmit të djeshëm në një treg Krishtlindjesh.
I veshur me të zeza, Scholz shoqërohet nga ministra kombëtarë dhe rajonalë që mbajnë lule. Nga Magdeburgu ai tha se sulmi është një akt i tmerrshëm dhe i çmendur dhe se të gjithë duhet të jemi të bashkuar kundër atyre që mbjellin urrejtje.
“Sulmi në tregun e Krishtlindjeve është një akt i tmerrshëm dhe i çmendur. Është e rëndësishme që të zbardhet ngjarja dhe kjo duhet bërë me saktësinë më të madhe. Për mua është shumë e rëndësishme që të jemi të bashkuar dhe të flasim.
Nuk është urrejtja ajo që përcakton bashkëjetesën tonë, por fakti që ne jemi një komunitet që dëshirojmë të pushtojmë të ardhmen kundër atyre që mbjellin urrejtje- ka thënë kancelari gjerman nga Magdeburg.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
