Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Musk është përfshirë në çështjen e emigrantëve të paligjshëm që sillen nga Italia për në Shqipëri.
“Këta gjykatës duhet të largohen”, ka komentuar miliarderi amerikan në një postim në X që raportonte lajmin për vendimin e Gjykatës së Romës që urdhëroi kthimin e 7 emigrantëve të tjerë nga qendrat e pritjes në Gjadër të Lezhës.
Moderatori i një programi në platformën X, Mario Nawfal, shkruan se gjykata po bllokon planin e kryeministres Georgia Meloni për qendrën e ndalimit të emigrantëve në Shqipëri. Saktësohet se refugjatët ishin nga Bangladeshi dhe Egjipti.
“Plani, i zhvilluar me Shqipërinë për të zbutur fluksin e emigrantëve në Itali, synon që të zhvendosë deri në 36 mijë emigrantë në vit. Kostoja është 800 milionë euro për 5 vite”, thekson Nawfal, në një shkrim ku citon Financial Times.
Megjithatë, ai thekson se plani në fjalë po has në pengesa dhe në kritika të forta për koston e madhe.
Kjo nxiti dhe reagimin e Elon Musk, i cili ka një raport miqësor me kryeministren italiane.
Kjo deklaratë e Trump ka nxitur sërish debat në politikën italiane, me opozitën që shprehen se sulmi i manjatit amerikan ndaj gjyqtarëve italianë është i papranueshëm dhe ndërhyrje e krahut të djathtë të Trump.
“Sulmi i Musk ndaj gjyqtarëve italianë nuk është vetëm i papranueshëm dhe një ndërhyrje e krahut të djathtë të Trump, por është sinjali i pagabueshëm i asaj që Musk dëshiron të arrijë, domethënë të ndërtojë një autokraci teknologjike falë perandorisë së tij ekonomike për të bërë pa të demokracisë. Me platformat e saj sociale, pushtimi i hapësirës me satelitët e saj përmes të cilëve mund të ndikojë në konfliktet ushtarake dhe gjeopolitikën, si në Ukrainë, përbën një problem për demokracinë. Pres dënimin nga kryeministri italian i fjalëve shumë serioze të Elon Musk në mbrojtje të kushtetutës dhe gjyqësorit tonë”, tha zëdhënësi i Europa e Gjelbër dhe deputeti i Aleancës së Gjelbër dhe të Majtë, Angelo Bonelli.
Kujtojmë se një gjykatë në Romë u kërkoi të hënën gjykatësve të Bashkimit Evropian që të shqyrtojnë mbajtjen në Shqipëri të emigrantëve që kapen në det.
Duke e referuar rastin tek Gjykata e Drejtësisë e Bashkimit Evropian vendimi e pengon sërish përpjekjen e qeverisë së djathtë italiane për të zbatuar planin e saj mbi emigracionin e paligjshëm.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
