Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Donald Trump ka dalë në skenë në West Palm Beach në Florida me anëtarët e familjes duke përfshirë gruan Melania dhe djemtë Eric, Donald Trump Jr dhe Barron.
JD Vance është gjithashtu në skenë – ai dhe Trump u prezantuan si president dhe zëvendëspresident “të zgjedhur”.
Siç ka bërë për të gjitha tubimet e tij elektorale, Trump vazhdon me sloganin “God Bless the USA” nga Lee Greenwood.
Teksa ai flet, ka brohoritje “SHBA, SHBA”, shkruan skynews.
“Dua t’ju falënderoj shumë të gjithëve”, thotë ai, duke vlerësuar lëvizjen “e pabesueshme” MAGA.
“Sinqerisht, besoj se kjo ishte lëvizja më e mirë politike e të gjitha kohërave”, vazhdon ai, duke shtuar se do të shkojë në një nivel tjetër.
“Ne kemi një vend që ka shumë nevojë për ndihmë”, tha Trump duke premtuar se “do të rregullojë gjithçka”.
“Është e qartë se…kjo është një fitore politike”.
“Dua të falënderoj popullin amerikan për nderin e jashtëzakonshëm”, vazhdoi ai duke pretenduar fitoren.
Ai thotë se kjo do të jetë “me të vërtetë epoka e artë për Amerikën”.
Trump shton: “Çdo ditë do të luftoj për ju, me çdo frymëmarrje të vetme në trupin tim. Nuk do të pushoj derisa të kemi Amerikën e fortë, të sigurt dhe të begatë që fëmijët meritojnë. Dhe që e meritoni”.
Trump, i cili duket se do të fitojë zgjedhjet, thotë se fitorja do t’i lejojë republikanët “ta bëjnë Amerikën përsëri të madhe”. Donald Trump po mban fjalimin e tij para mbështetësve në Florida.
“Falenderoj amerikanët për nderin që më zgjodhën si presidentin e 47 dhe 45 gjithashtu. Do të luftoj për ju dhe familjet tuaja, për të ardhmen. Do të luftoj me ju me çdo mundësi që kam. Të kemi një Amerikë me presporitet që amerikanët meritojnë. Një epokë e jashtëzakonshme për Amerikën. Duke fituar shtetet kryesore, jemi në fitore edhe në Michigan Alaska etj që do të na lejojë 315 vota elektorale. Nuk kishte asnjë rrugë tjetër përveç fitores. Kemi fituar gjithashtu votën popullore që është madhështore”, tha ai.
Donald Trump ka deklaruar tani se ai do të “ndalojë luftërat”.
Duke iu referuar presidencës së tij të mëparshme, ai pohon: “Nuk kemi pasur luftëra, për katër vjet nuk kemi pasur luftëra, përveçse kemi mundur ISIS-in”.
“Ne mposhtim ISIS-in në kohë rekord, por nuk patëm luftëra”, tha Trump, shkruan skynews.
“Ata thanë ai do të fillojë një luftë”. Unë nuk do të filloj një luftë, do t’i ndaloj luftërat”, shtoi ai.
Trump pretendon se kjo është një fitore e madhe për “demokracinë” dhe “lirinë”.
“Ne do të zhbllokojmë fatin e lavdishëm të Amerikës, ne do të arrijmë të ardhmen më të pabesueshme për popullin tonë”, deklaroi ai.
Republikani thotë se do ta bëjë SHBA-në “më të mirë se kurrë”.
“Dhe tani ne do ta përmbushim atë mision”.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
