Publikuar më 13.11.2024 nga shekulli_admin

Anëtarët e opozitës në Komisionin Hetimor për Sterilizimin kanë paraqitur dokumentin ku kërkojnë që sot të dëshmojë kryeministri Edi Rama. Dokumenti është firmosur nga 7 deputetët e opozitës në komision.

Kërkesa për thirrjen e tij është bërë “në cilësinë e Kryeministrit i cili ka firmosur VKM-në për dhënien me koncension të këtyre shërbimeve duke mbështetur e promovuar publikisht këto koncensione edhe pas fillimit të çështjes penale nga organet e drejtësisë”.

Në dokumentin e publikuar nga PD kërkohet thirrja si dëshmitare po këtë të mërkurë edhe e zonjës Vilma Nushi në cilësinë e pronares së dy kompanive që ka marrë një nga koncesionet, objekt i veprimtarise hetimore të këtij Komisioni. Sipas tyre, Vilma Nushi është përfituese indirekte dhe direkte 1.5 mln eurove nga dividenti.

Sipas deputetëve të PD, refuzimi i përsëritur nga ana e anëtarëve të mazhorancës në këtë Komision, për të thirrur si dëshmitarë z. Edi Rama dhe zonjën Vilma Nushi, për anëtarët e opozitës, është tërësisht në kundërshtim me Vendimin e Gjykatës Kushtetuese sa i takon Ligjit për Komisionet Hetimore dhe ligjet në fuqi.

“Komisioni është i detyruar që të thërrasë për të dëshmuar para tij, jo vetëm Z. Edi Rama por të gjithë personat për të cilët anëtarët e opozitës, si inicues të këtij Komisioni, kanë kërkuar që të paraqiten e të dëshmojnë”, thuhet në dokumentet e publikuara.

“Konkretisht, anetaret e opozites ne Komisionin Hetimor kanë kërkuar që në mbledhjen e parë të këtij Komisioni që pjesë e listës së dëshkitarëve të jetë edhe z. Edi Rama, në cilësinë e kryeministrit të Shqipërisë, i cili ka firmosur VKM për dhëniën më konçension të këtyre shërbimeve dhe ka mbështetur e promovusar publikisht këto konçensione edhe pas fillimit të çështjes penale nga organet e drejtësisë.

Refuzimi nga ana e anetareve të mazhorances ne këtë Komision, për të thirrur si dëshmitar z. Edi Rama, është tërësisht në kundërshtim me Vendimin nr. 54/2024 të Gjykatës Kushtetuese sa i takon Ligjit për Komisionet Hetimore, si dhe dispozitën e nenit 16 të Ligjit Nr.8891, datë 02.05.2002 “Për organizimin dhe funksionimin e Komisioneve Hetimore të Kuvendit”, i ndryshuar”,- thuhet në shkresën e depozituar në Kuvend.

Anëtarët e opozitës kërkojnë paraqitjen e biznesmenes Vilma Nushi, e cila sipas tyre, ka përfituar 1.5 mln euro nga dividenti.

“Konkretisht, anetaret e opozites ne Komisionin Hetimor kanë kërkuar që në mbledhjen e parë të këtij Komisioni që pjesë e listës së dëshkitarëve të jetë edhe znj. Vilma NUSHI, në cilësinë e pronares së dy kompanive e cila është pjesë e një prej koncesioneve objekt i veprimtarise hetimore të këtij Komisioni. Deputetët e opozitës e konsiderojnë rolin e znj Vilma Nushi e cila është përfituese indirekte dhe direkte (ka përfituar rreth 1.5 mln Euro nga dividenti).

Refuzimi nga ana e anetareve të mazhorances ne këtë Komision, për të thirrur si dëshmitare Znj. Vilma NUSHI, është tërësisht në kundërshtim me Vendimin nr. 54/2024 të Gjykatës Kushtetuese sa i takon Ligjit për Komisionet Hetimore, si dhe dispozitën e nenit 16 të Ligjit Nr.8891, datë 02.05.2002 “Për organizimin dhe funksionimin e Komisioneve Hetimore të Kuvendit”, i ndryshuar”,”- shkruhet në dokument.

Në shkresa bëhet thirrje që: “Komisioni është i detyruar që të thërrasë për të dëshmuar para tij, jo vetëm Z. Edi Rama por të gjithë personat për të cilët anëtarët e opozitës, si inicues të këtij Komisioni, kanë kërkuar që të paraqiten e të dëshmojnë”.

Ndërkohë ditën e sotme (13 Nëntor) përfundon edhe mandati i Komisionit Hetimor për Shëndetësinë, ku i thirrur për të dëshmuar është ish-ministri i Shëndetësisë, Ilir Beqaj.