Publikuar më 25.09.2024 nga shekulli_admin

Efektivi i FNSH-së, Nikol Lekndreaj, ka humbur jetën në orët e para të mëngjesit të sotëm, pasi pësoi një aksident me motor si pasojë e motit të keq. Ai po udhëtonte me motor për në banesë rreth orës 02:00 në fshatin Bardhaj, kur humbi drejtimin e mjetit dhe ra në kanal.

Sipas policisë, efektivin e mori rrjedha e ujit dhe për pasojë ka humbur jetën. Trupi i tij u gjet pas disa orësh kërkime në gjatë kontrollit të kanalit që të çon në lumin Kir.

Por, banorët shprehet se në momentin kur ka ndodhur aksidenti, niveli i ujit ka qenë rreth 1 metër mbi asfalt. Ata thanë për mediat se “problemi nuk është shiu, por kanalet”, duke shtuar se janë lënë të papastruara dhe për pasojë shkaktohen përmbytje.

“Koha ka qenë shumë e keqe, por tek ne nuk është problemi i shiut, por kanalet. Janë të papastruara, është problem i shtetit. Niveli i ujit ka qenë 70 cm, halli i këtij që është mbytur në ujë.

Nuk e di si ka rënë, e njihnim, ishte person shumë i mirë. Ne s’kemi as bashki, as kërkënd, nuk i bie kujt mendja. Vetëm të marrin lekë për vete”, tha një banor.

Ndërsa një tjetër u shpreh: “Uji ka kaluar rreth 1 metër sipër asfaltit. Polici ka qenë duke ardhur me motor, ka rënë në kanal dhe ka vdekur. Rrugën e kanë lënë të papastruar.”

Të afërm të policit i cili humbi jetën pas mesnatës në fshatin Bardhaj të Shkodrës, tregojnë se ngjarja ka ndodhur për shkak të motit të keq dhe errësirës.

“Ishte përmbytur krejt, këtu ka qenë det, atë e di Zoti, por ka pasur ujë shumë. Ka qenë me motor me drita ndezur dhe i ka dukur tokë gjithëkund”, thotë një nga të afërmit.

“Ka ardhur një stuhi e madhe e rrezik i madh për të e familjen e tij” thotë një tjetër i afërm për A2, teksa nuk kursejnë vlerësimin për policin që humb i jetën.

51-vjeçari ishte punonjës policie i Forcës Kombëtare të Sigurisë në Shkodër. Sipas burimeve policore, efektivi Nikoll Lekndrejaj, ka qenë duke udhëtuar me një motor në momentin që ka dalë nga rruga dhe ka përfunduar në një kanal.

Dyshimet e para janë se aksidenti mund të jete shkaktuar si pasojë e kushteve të rënda atmosferike me reshje shiu dhe erë të fortë që përfshinë gjithë rajonin e Shkodrës mbrëmjen e së martës.

Trupi i të ndjerit është gjetur nga policia në orët e para të mëngjesit pasi e kishte marrë rrjedha e fortë e kanalit që derdhet në lumin Kir.

Njoftimi i policisë:

Rreth orës 02:50, në fshatin Bardhaj, shtetasi N. L., 51 vjeç, (punonjës policie i Forcës Kombëtare të Sigurisë, Njësia Shkodër, i cili ishte jashtë orarit të shërbimit), duke drejtuar motomjetin e tij, dyshohet se ka humbur kontrollin mbi drejtimin e motomjetit, si pasojë e motit të keq, dhe për pasojë motomjeti ka dalë nga rruga, duke rënë në një kanal me ujë.

Shtetasin N. L. e ka marrë rrjedha e ujit dhe për pasojë ka humbur jetën.

Shërbimet e Policisë, përgjatë orëve të mëngjesit, gjatë kontrollit të kanalit që të çon në lumin Kir, kanë bërë të mundur gjetjen e trupit të pajetë të 51-vjeçarit.

Grupi hetimor vijon punën për sqarimin e rrethanave dhe dokumentimin ligjor të këtij rasti.