Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Në mungesë të Sali Berishës, i cili është dënuar të mos shkelë jashtë mureve te banesës së tij, me punët e partisë po merret Flamur Noka.
Me zgjedhjet e pranverës në prag ethet elektorale po ndihen edhe ne selinë blu, në korridoret e së cilës po përfliten emrat e drejtuesve politik të cilët do të udhëheqin listat për deputetë.
Qarku i Tiranës është ende i hapur, por ujërat pritet t’i trazojë Fieri, ku po mendohet të caktohet Gazment Bardhi duke spostuar Luan Baçi.
“Unë vijoj të jam drejtues politik prej tre vitesh tashmë dhe mendoj se e kam drejtuar vërtet mirë qarkun e Fierit. Do respektoj vetëm vendimin e kryetarit te partisë ndërsa vendimet e këtyre që flasin në emër të kryetarit të partisë më vjen keq, nuk mundem”, tha Baçi në një intervistë për Top Channel.
Ne emër të kryetarit për sa kohë ai do jetë në arrest shtëpie ka të drejtë të flasë vetëm Flamur Noka, i cili po i jep dorën e fundit listës së drejtues politik pak orë para mbledhjes së kryesisë të cilën e ka thirrur pasditen e së mërkurës. Por, nëse për qarkun Fier priten surpriza, për Shkodrën dhe Elbasanin nuk ka të tilla, Luaciano Boçi prej muajsh ka nisur punën në kryeqendrën e veriut, ndërsa Ervin Salianji zhvendoset nga Kavaja në Elbasan. Xhelal Mziu nuk i ndahet Dibrës dhe as Tritan Shehi Gjirokastrës. Oerd Bylykbashi nuk lëviz nga Durrësi ndërsa Agron Gjekmarkaj i besohet sërish Lezha.
Luan Baçi
Shtyrja e afateve hetimore nga SPAK deri në tetor ndaj Sali Berishën ka bërë që demokratët të marrin masa për fushatë edhe pa liderin, rolin e të cilit do e luajë Sekretari i Përgjithshëm i partisë Flamur Noka ndërsa po mendojnë edhe për radikalizim të qëndrimit me protesta që parashikohen të nisin në vjeshtë, raporton Top Channel.
Të mërkurën dhe te premten është vendosur thirrja e dy organeve më të larta vendimmarrëse të partisë Kryesisë e me pas Këshillit Kombëtar ku parashikohet jo vetëm zyrtarizimi i emrave të drejtuesve politik, por edhe forma dhe mënyra e protestave.
LISTA E DREJTUEAVE POLITIKË PD NË QARQE
Shkodër- Luçiano Boçi
Lezhë – Agron Gjekmarkaj
Dibër – Xhelal Mziu
Kukës – Flamur Hoxha
Durrës – Oerd Bylykbashi
Elbasan – Ervin Salianji
Fier – Gazment Bardhi
Korçë – Ivi Kaso
Berat – Eno Bozdo
Vlorë – Bujar Leskaj
Gjirokastër – Tritan Shehu
Qarku Tiranë ende i hapur
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
