Gjykata e Durrësit ka caktuar masën e sigurisë “detyrim paraqitje” për Bahrie Gjunin, gjyshen e cila rrëmbeu dhe mbajti të fshehur për 8 ditë nipin e saj 3-vjeçar.
Kujtojmë që fillimisht në lidhje me ngjarjen pas denoncimit nga nëna e të miturit, ra në pranga gjyshi Rexhep Gjuni dhe kunati i tij, Arben Selaj.
Pasi e mbajti të fshehur për tetë ditë Barie Gjuni u vetëdorëzua në prokurorinë e Durrësit, bashkë me nipin e saj.
Në dëshminë e saj, ajo deklaroi se gjithçka e ka bërë në emër të dashurisë për nipin e saj dhe dëshirës së madhe për ta rritur vetë, pasi djali vdiq në aksident rretj një vit më parë.
Pas tetë ditësh kërkimi nga policia, gjyshja u vetëdorëzua në polici, së bashku me vogëlushin mesditën e të shtunës. Pas dorëzimit të 3-vjeçarit në polici, efektivët ndaluan 57-vjeçaren për akuzën “marrjes padrejtë të fëmijës”.
Lidhur me shkaqet që e shtynë atë për të ndërmarrë këtë veprim, Bahrije Gjuni është shprehur para uniformave blu se ka dashur ta rrisë vetë fëmijën. Ajo ka shtuar se gjatë këtyre ditëve, fëmijën e ka fshehur në Kukës dhe Has tek disa të njohur të familjes, si dhe në Tiranë.
Bahrije Gjuni ishte shpallur në kërkim së bashku me vëllain e saj, pas dyshimeve se ajo kishte marrë nipin për ta larguar nga nëna e tij, e cila denoncoi rastin në polici. Më herët për zbardhjen e kësaj ngjarje më herët uniformat blu arrestuan gjyshin Rexhep Gjuni dhe kunatin e tij, Arben Selaj të cilët u lanë në burg nga gjykata.
Policia njoftoi se përveç kontrolleve kishte kryer edhe negociata me familiarët për gjetjen e të miturit. Ky i fundit u deklarua i zhdukur më 13 Prill nga nëna e tij 23-vjeçare e cila prej më shumë se 1 viti kishte humbur bashkëshortin në një aksident rrugor.
Prej mesditës të së shtunës, Amar Gjuni u bashkua me nënën e tij Ile Gjuni.
Nëna e 3-vjeçarit të rrëmbyer nga gjyshja, tha se vjehrra kishte plan për ta rrëmbyer 3-vjeçarin. Sipas saj, njerëzit e burrit, që kishte ndërruar jetë nuk e linin të dilte nga shtëpia.
“Vjehrra më ka thënë që në fillim që kam plan që të ta marrë djalin. Më ka thënë se do ta zgjidhim vetëm me Kanun. Unë e kam respektuar. Pasi ka vdekur Avniu, u prishën raportet mes nesh sepse nuk donte të më linte të ikja.
Pas vdekjes së bashkëshortit tim, nipi flinte me gjyshen, sepse isha në punë. Nuk është e vërtetë fare që kam dashur të martohem. Unë iu kam thënë të gjithëve se nuk dua të dal asnjëherë jashtë shtetit, janë fjalë që nuk dua t’i dëgjoj, pasi nuk janë të vërteta”, u shpreh nëna e 3-vjeçarit.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/