Publikuar më 25.03.2024 nga shekulli_admin

Kryebashkiaku në detyrë i Himarës Jorgo Goro u arrestua të shtunën e 23 marsit 2024. Ai akuzohet për shpërdorim detyre për tjetërsimin dy pronave në Dhërmi, konkretisht 5512 m2 + 5080 m2(në kufi më njëra tjetrën) me sipërfaqe në total 10 592 m2.
Në episodin e parë sipas SPAK Jorgo Goro në bashkëpunim dhe me zyrtarë të asaj kohe të Himarës që ka qenë në atë kohë, 5512 m 2 tokë bujqësore me dokumente të falsifikuara e kanë tjetërsuar nga tokë shteti në tokë private në pronësi të Foto Mëhillit dhe trashëgimtarëve të tij, mes tyre Stavri Mëhilli. Më pas është vijuar me transaksionet të cilat kanë konkluduar në regjistrimin e kësaj toke në emër të shoqërisë private me përfaqësues Artan Gaçin.

Për këtë episod SPAK thotë se nga momenti i aplikimit nga Stavri Mëhilli deri në lëshimin e çertifikates së pronësisë, ka nje kohe ndermjetese vetëm 5 dite. Pra rezulton se Stavri Mëhilli ka aplikuar për “Leshim vertetimi pronesie”, më 12 shkurt 2020 ora 12:48, dhe u pajis me çertifikatën e pronësisë më 17 shkurt 2020. 

“Pavaresisht mungesës se një verifikimi në vetë dokumentacionin që vete Bashkia Himare ka rezultuar se posedonte prane saj si dhe ne mungesë te nje konfirmimi te domosdoshem nga Keshilli i Qarkut (pavaresisht se ne shkrese referohet se ky konfirmim ndodhet bashkelidhur), kryetari i Bashkise Jorgo Goro, ka percjelle kerkesen per regjistrim ne raste te veçanta, prane ZVRPP me shkresen nr. 731 prot.. date 18.03.2019 dhe aktet bashkelidhur, dhe mbi bazen e kesaj kerkese, dhe dokumentacionit bashkelidhur asaj, rezulton se ZVRPP-ja/ASHK-ja Vlore ka vepruar duke pajisur shtetasin Foto Pavllo Mëhilli (trashegimtaret) me dokumentin vertetim nga dokumenti hipotekor nr. 40, date 17.02.2020. ZK. 1739, fshati Gilek. per pasurine me sip. 5512 m2, te llojit truall.”.

Nga verifikimi i kryer ne registrim hipotekor dhe dokumentacionin ligjor perkates, rezulton se prane ASHK-se Vlore, ne date 17.02.2020, ne baze te kerkeses te shtetasit Stavri Mehilli, eshte regjistruar pasuria, registri hipotekor 40, date 17.02.2020, ZK.1739, fshati Gjilek, me siperfage 5512 m2, ne emer te shtetasit Foto Pavllo Mêhilli (trashegimtarêt). Nga kjo praktike rezulton se kerkuesi Stavri Mehilli ka aplikuar ne date 12.02.2020, ora 12:48, per sherbimet “Leshim vertetimi pronesie”, dhe vetem pese dite me pas, date 17.02.2020, eshte pajisur me certifikaten perkatese te pronesise’ thuhet në dosjen e siguruar nga Report TV.

Referuar Këshillit të Qarkut Vlorë që ka dhënë informacione mbi çeshtjen, rezulton se kalimi i prones është bërë përmes shkresave dhe dokumenteve te rreme”

10 ditë më pas Stavro Mëhillit i kaluan në bankë 12. mln lekë

SPAK thote se gjithë skenari i tjetërsimit përsa i takon regjistrimit të siperfaqes së tokës truall prei 5512 m2, prones me dokumenta flase, ka qenë me qëllim shitjen e saj tek Artan Gaçi.
Pikërisht kalimi i prones tek Stavri Mehilli, i dha këtij të fundit të drejtën edhe për ta shitur

10 ditë më pas pikërisht më 27 shkurt në llogarinë e Stavri Mëhillit kanë kaluar  12,677,600 leke nga ‘AGTTC Hotel Management’ 

 “Gjate hetimit jane kryer edhe verifikime prane institucioneve bankare dhe konkretisht, nga verifikimet e kryera prane Bankes ‘I…., ‘ ka rezultuar se shtetasi Stavri Mëhilli disponon llogari bankare dhe nga nxjerja e llogarise (levizjet) ne monedhen ALL (Lekë), rezulton se ne date 27.02.2020, Shtetasit Stavri Mehilli, i jane transferuar/kaluar ne llogari shuma 12,677,600 leke me pershkrimin: “Kalim sipas kontrates nr. 296 rep nr. 171 kol date 26.02.2020”.”, thuhet ne dosjen hetimore.

“Nga te dhënat e siguruara rezulton që Stavro Mëhilli e ka shitur 12,677,600 lëkë sipas kontratës nga te cilat kësti i parë në vleren 3.000.000 lekë është likuiduar në datë 25.07.2019, nëpërmjet  një transaksioni bankar dhe kësti i dytë në vlerën 9.677.600 lekë është  likuiduar në datë 25.02.2020. Aktualisht prona figuron e registruar ne emer/pronesi te shoqerise “AG. TCC” shpk.