Publikuar më 19.06.2025 nga shekulli_admin

Anëtari i Komisionit të Ankimimeve dhe Sanksioneve (KAS), Ledio Braho, bëri sot një prononcim për mediat nga pallati i sportit ‘Farie Hoti’ në Tiranë ku po zhvillohet procesi i rinumërimit të votave.
Braho tha se deri më tani janë numëruar më pak se 10% të kutive dhe se nga këto kuti PS dhe PD kanë humbur vota. Gjithashtu ka pas lëvizje në renditjen e kandidatëve.

“Janë numëruar më pak  se 10% të kutive. Ka  pasur ndryshime te partitë e mëdha si PD dhe PS kanë humbur vota për këtë proces…ka pasur lëvizje të disa kandidatë, disa kanë rezultuar se kanë vota të pamerituara por që disa tjerë kanë marrë më pak vota”, u shpreh anëtari i KAS.

Ledio Braho: Ne i kemi orientuar të gjithë numëruesit që janë staf të KQZ  dhe jo të partive politike,  që po ashtu po bëjnë transparencën maksimale. Kur ka pasur vota që kanë qenë të diskutueshme gjithmonë janë zgjedhur me vendimmarrje të KAS. 

Rinumërimi i votave në Tiranë kishte të bënte me transparencën dhe  mendimet e disa kandidateve që ishte tjetërsuar votat brenda llojit.

Janë numëruar më pak  se 10% të kutive. Ka  pasur ndryshime te partitë e mëdha si PD dhe PS kanë humbur vota për këtë proces…ka pasur lëvizje të disa kandidatë, disa kanë rezultuar se kanë vota të pamerituara por që disa tjerë kanë marrë më pak vota.

Deri tani kanë qenë çështje të diskutueshme, nuk mund ti quash as gabime por janë çështje subjektiviteti të grupeve të numërimit.

Procesi i rinumërimit, i cili nisi më 11 qershor,  zhvillohet në pallatin e sportit “Farie Hoti” në Tiranë dhe në  të angazhohen 24 grupe numërimi.

Vendimi për hapjen e kutive dhe rinumërimin e votave u mor nga KAS pas kërkesës së dy anëtarëve të tij që mbështetën kërkesat e opozitës.

Opozita nuk e njeh rezultatin zgjedhor të 11 majit ndërkohë që po denoncon në kancelaritë perëndimore sipas saj farsën elektorale. PD po përgatit një dosje të plotë të manipulimit zgjedhor për t’ua dorëzuar kancelarive të huaja.

Komisioni Qendror i Zgjedhjeve ka publikuar rezultatet e para nga procesi i rinumërimit të votave në qarkun e Tiranës.

Sipas shifrave të deritanishme, Partia Socialiste humbet 38 vota nga rinumërimi, ndërsa koalicionit PD-Aleanca për Shqipërinë Madhështore i hiqen 11 vota.

Më konkretisht, nga numërimi i parë PS kishte 6472 vota, ndërsa nga rinumërimi PS doli me 6434, pra 38 vota më pak.

PD-ASHM më 11 maj kishte 7412 vota, ndërsa rinumërimi e nxori me 7401 vota, që do të thotë 11 vota më pak.

Partia Koalicioni Euroatlantik fiton 2 vota, nga 442 që kishte më 11 maj, nga rinumërimi doli me 444 vota.

Partia Mundësia fiton 2 vota, nga 471 që kishte nga numërimi i parë, në 473 vota në numërimin e dytë.

Koalicioni Djathtas për Zhvillim, ka fituar 1 votë nga procesi i rinumërimit, nga 19 që kishte, tani ka 20 vota.

Partia Aleanca Kombëtare Shqiptare ka humbur një votë, nga 13 që kishte në 12, ndërkohë që rezultati mbetet i pandryshuar për partitë e tjera që morën pjesë në zgjedhjet e 11 Majit.

Procesi i rinumërimit, i cili nisi më 11 qershor,  zhvillohet në pallatin e sportit “Farie Hoti” në Tiranë dhe në të do të angazhohen 24 grupe numërimi.

Vendimi për hapjen e kutive dhe rinumërimin e votave u mor nga KAS pas kërkesës së dy anëtarëve të tij që mbështetën kërkesat e opozitës.

Opozita nuk e njeh rezultatin zgjedhor të 11 majit ndërkohë që po denoncon në kancelaritë perëndimore sipas saj farsën elektorale. PD po përgatit një dosje të plotë të manipulimit zgjedhor për t’ua dorëzuar kancelarive të huaja.