Publikuar më 29.03.2025 nga shekulli_admin

Kryeministri Edi Rama ka nisur takimin me shqiptarët që jetojnë në Greqi, duke theksuar rëndësinë e bashkimit të Shqipërisë me Europën.

Gjatë fjalës së tij, Rama deklaroi se ky është një moment historik që shqiptarët kanë mundësinë ta shkruajnë bashkë, duke realizuar ëndrrën për një Shqipëri të pandarë nga Europa.

Kryeministri e vuri theksin tek komuniteti shqiptar në Greqi, duke kujtuar historinë e tyre të vështirë, ku shumë shqiptarë erdhën në këtë vend krejtësisht të varfër, por që sot janë pjesë e pandarë e krenarisë kombëtare. Ai apeloi për të mos lënë të shuhet shpresa për anëtarësimin në BE dhe për të u bashkuar më 11 maj për këtë kauzë të rëndësishme.

“Jemi këtu për të shkruar një copëz historie që fati ka dashur të na jepet ne mundësia ta shkruajmë bashkë. Për të ardhur deri këtu shumë të tjerë para nesh e ëndërruan: Historinë e Shqipërisë të pandarë nga Europa.

Mua nuk më pëlqen termi diasporë, por shqiptarët e botës dhe Europës u regjistruan ë më 11 maj ti japin një shans faktit që Shqipëria të bashkohet një herë e mirë me Europën duke u bërë pjesë e BE.

Janë 65 mijë ndër ta që janë këtu, në Greqi, janë ata dhe pasardhësit e atyre që kaluan kufirin krejtësisht të varfër, të pa përkrahur dhe të vetëm duke i hyrë detit në këmbë në kuptimin e vërtetë të fjalës e që sot janë pjesë e pandarë të gjerdanit të krenarisë të kombit tonë, gjerdan i përbërë nga komunitetet e shqiptarëve në botë, ku pjesa e Greqisë ka hequr më shumë nga të gjithë dhe ia ka dalë të pranohet e integrohet duke punuar si askush tjetër.

Të mos e lëë të shuhet rezja e yllit për të hyrë në BE por të bëhemi bashkë më 11 maj”, tha ai.

Rama tha nga Kreta, në Greqi se shqiptarët nuk do të presin më 15 vite për t’u pajisur me pasaportën e shtetit ku jetojnë dhe punojnë.

Duke e konsideruar anëtarësimin e Shqipërisë në BE si të mundshëm deri në vitin 2030, Rama tha se çdo shqiptar do të ketë pasaportën europiane.

“Kijeni parasysh që pasaporta shqiptare e BE është njësoj, si ajo greke e BE. Me pasaportën shqiptare mund të qëndroni këtu, të punoni, ta transferoni këtu çdo të ardhur nga pensioni atje, dhe shteti këtu duhet dhe ju njeh që në momentin që merrni pasaportën për punën që keni bërë këtu”, veçoi Rama.

Deri në vitin 2027, theksoi kryeministri, Tirana zyrtarë do të ketë përmbyllur procesin e negociatave me BE dhe pas këtij momenti do të presë dritën jeshile të Brukselit për anëtarësimin zyrtar.

Edi Rama: “Në 11 maj të votojmë bashkë aty ku gjendet forca e duhur në kohën dhe vendin e duhur që atë pasaportën që mund t’ju duhet edhe 10-15 vite ta merrni nga shteti grek, ta merrni nga shteti shqiptar si pasaportë e Bashkimit Europian. Kijeni parasysh që pasaporta shqiptare e BE është njësoj, si ajo greke e BE. Me pasaportën shqiptare mund të qëndroni këtu, të punoni, ta transferoni këtu çdo të ardhur nga pensioni atje, dhe shteti këtu duhet dhe ju njeh që në momentin që merrni pasaportën për punën që keni bërë këtu.

Me pasaportën shqiptare të BE jeni njësoj jo vetëm në realitetin e përditshëm por edhe në atë të ligjit, qytetarë europiane të barabartë me të njëjtat lirie të drejta. Pavarësisht se një nga ju e ka pasaportën apo dokumentet, momentin që të gjithë bashkë keni pasaportën shqiptare të BE bëheni jo vetëm të barabartë në të gjitha, por edhe po aq sa edhe grekët e çdo europian tjetër subjekt i të gjitha shërbimeve që ky vend dhe çdo tjetër i BE i jep shtetasve të tij.

Ka vetëm një përgjigje, është në dorën tuaj. Është vota e 11 majit që Shqipëria deri në 2027 të mbyllë negociatat dhe brenda dekadës të bëhet anëtare me të drejta të plota në BE”.

Nga takimi me diasporën e Kretës, kryeministri Edi Rama ftoi shqiptarët e Greqisë të kthehen në atdhe dhe të investojnë kursimet e tyre në agroturizëm.

Kreu i qeverisë tha se 500 aplikantët e parë që duan të investojnë në vendin e tyre, do të përjashtohen nga taksat dhe TVSH-ja për 10 vite.

Në funksion të kthimit të vëmendjes drejt zonave rurale, Rama përmendi linjën e kredisë të iniciuar nga Banka e Shqipërisë e cila parashikon 250 mln euro financime, me interes më pak se 3%, për të mbështetur investimet në fshat.

Edi Rama: Të ndezim oxhakun në shtëpitë e gjyshërve apo t’i kthejmë në agroturizëm. Për këdo që do të investojë në Shqipëri, ligji thotë që për 500 aplikantët e parë janë 10 vite pa taksë, pa TVSH pa asnjë lloj detyrimi ndaj shtetit. Ky ishull ka një turizëm të zhvilluar, por ata që presin nisjen e sezonit për të punuar këtu, u them të interesohem sa janë pagat edhe në Shqipëri, sepse kam përshtypjen që në të shumtën e herës ju del më mirë atje se sa këtu.

Për të mbështetur investimet në fshat, Banka e Shqipërisë ka hapur edhe një linjë kredie e cila nis me 250 mln euro total dhe kushdo që do të ketë akses në atë linjë kredia që 70 përqind e kolateralit sigurohet nga shteti dhe ka interes më pak se 3 për qind, është i ftuar të na drejtohet për ta marrë këtë mbështetje.

Ka shembuj njerëzish plot që janë kthyer dhe të gjithë thonë që u del më mirë llogaria.

Sulmet ndaj liderit të PD, Sali Berisha, kryeministri Edi Rama i vijoi edhe nga Kreta.

Por kreu i qeverisë nuk la jashtë vëmendjes as drejtuesit e partive të vogla të cilët i quajti si “shitësit e qilimave”.

“Bufi jonë atje në Tiranë ka dalë nga shprehja “Çfarë do aty o buf kënete”. Këto nuk mund t’i bëjnë as “shitësit e qilimave” që dalin në diasporë e thonë na e jepni votës ne rinisë, dhe ata rinia në listat e kandidatëve kanë babanë krushkun dajën”, u shpreh Rama.

Edi Rama: “Bufi i kënetës thotë un jam i mençur dhe i bukur si Athinaja, duke iu referuar bufit të vogël që ishte simboli i grekërve të lashtë, por bufi i vogël nuk kishte lidhje me kënetën. Bufi jonë atje në Tiranë ka dalë nga shprehja “Çfarë do aty o buf kënete”. Këto nuk mund t’i bëjnë as shitësit e qylymave që dalin në diasporë e thonë na e jepni votës ne rinisë, dhe ata rinia në listat e kandidatëve kanë babanë krushkun dajën, sepse nuk kanë dot aq njerëz sa t’i vënë për lista, dhe kjo është mënyra se si e shohin ata besnikërinë ndaj partisë. Jam krenar sepse u kemi dhënë shqiptarëve në çdo qark e komunitet, skuadër me më shumë të rinj se të gjitha të tjerat të marrë bashkë dhe më shumë eksperiencë për të vënë flamurin”.

Rama kërkoi votat te shqiptarët e Kretës në 11 maj, për të bërë realitet, siç tha ai, anëtarësimin e vendit në BE.

“Këshilla” e kreut të qeverisë ishte “braktisni bufin dhe kënetën”, duke iu referuar kryetarit të PD, Sali Berisha dhe opozitës që ai kryeson.

Kritikave se integrimi në familjen e madhe europiane nuk u arrit as pas 12 viteve në pushtet, Rama iu përgjigj se Tirana i hapi negocitatat vetëm 1 vit më parë.

Edi Rama: Nëpër rrugët e Kretës keni edhe ju ata të kënetës e kur t’ju thonë pse nuk e futi 12 viteve Rama në BE Shqipërinë, thojini i hapëm negociatat vjet. Serbia, Mali i Zi, Maqedonia e kanë nisur shumë më parë se ne proces. E nisëm duke i parë ne nga mbrapa, sot i shohim ne nga prapa. Atyre të kënetës që ju dalin nëpër cepa të lagur, jepuni një peshqir, thajuani flokët, jepuni dorën ngrohini zemrën dhe thojini të braktisin bufin dhe kënetës, fanellën partiake dhe të vishen të gjithë kuq e zi më 11 maj.