Publikuar më 18.03.2025 nga shekulli_admin

Bashkëbisedimin e radhës me komentuesit në rrjetet sociale kryeministri Rama e fokusoi jo vetëm tek integrimi në BE, por edhe tek lista e kandidatëve të Sali Berishës. Kryeministri ironizoi Aleancën për Shqipërinë Madhështore, së cilës thotë se iku edhe Selami Jenisheri.

“Edhe Selami Jenisheri ishte distancuar nga Aleanca, se ata në fakt kanë luftë të fortë për pushtet me Kujtim Gjuzin. Kujtim Gjuzi po është kryeministri në hije i Aleancës, sepse e vetmja gjë madhështore që ka ajo aleancë, janë mustaqet e Kujtimit. Por situata në kënetë është turbulente, megjithatë pa problem, se i ha bufi ata dhe i kollofit. E keni parë listën e bufit si e ka bërë? listë për opozitë qëndrestare!”, tha Rama. 

Më 11 maj, Rama thotë se bufi i kënetës e di që nuk ka asnjë shans të marrë fitore dhe për këtë arsye ironizon listat me kandidatë, duke thënë se ka përgatitur një opozitë qëndrestare.

“E keni pa listën e bufit, listë për opozitë qëndrestare. E di shumë mirë që s’ka asnjë shans, dhe ka bërë një listë për një opozitë qëndrestare. Që kur bëjnë kua kua kua as nuk shohin as nuk dëgjojnë”, tha Rama.

Kryeministri Edi Rama më 11 maj u kërkon votën shqiptarëve për të vazhduar me procesin e integrimit të Shqipërisë në Bashkimin Europian. Vetëm nëse bëhemi të gjitha bashkë, mund të marrim në duar pasaportën e BE, tha kryeministri Edi Rama në bashkëbisedimin e radhës me ndjekësit në rubrikën ‘Sy m’Sy’.

“Marrja e pasaportës së BE është shumë më tepër se lëvizje e lirë. Që kur hyjmë në një kufi të BE. Pasaporta e BE na bën qytetarë të dorës së parë, sepse nuk ka më kufi për ne, nuk hyjmë më në radhë për të shkuar tek ai polici. Nuk na pyet më njeri sa do rrimë as kur futemi brenda. Mund të kërkojmë punë ku të duam”, tha Rama.

Rama thotë se në gati 12 vite qeverisje kanë bërë shtet dhe dëshmi e kësaj, sipas tij, është ecuria e negociatave me BE. Kreu i qeverisë thotë se vetëm PS është forca që mund ta çojë Shqipërinë në BE dhe jo bufi i kënetës.

“Ne po bëjmë shtet sepse pikërisht negociatat dhe hyrja në BE janë testi dhe provimi i shtetit. Ky shtet. Janë 27 shtete anëtare, ky shteti tjetër që do të bashkohet me ne i ka parametrat që të jetë pjesë e kësaj krushqie? Kur ata të fusin brenda dhe thonë je njësoj si ne, populli yt do të vijë te ne, populli ynë do të vijë te ty dhe të gjithë duhet të ndihen të mbrojtur, si thua ti? Janë lojëra këto. Çfarë janë këto muhabete? Jo që nuk jemi të paaftë, po përkundrazi o e fus unë dhe BE Shqipërinë në BE ose kjo punë mund të mos bëhet kushedi sa vjet të tjera. Kur ne morëm detyrën nuk na hidhte njeri sytë”, tha kryeministri.

Komunikimi publik i kryeministrit Rama me opozitën është vetëm në këtë formë, përmes videove dhe rrjeteve sociale, ndërsa sfidën thotë se nuk e ka me asnjë prej kundërshtarëve politikë, të cilët i projekton sërish në opozitë.

Ai ka ironizuar sërish koalicionin e Sali Berishës, duke thënë në komunikimin me ndjekësit se Kujtim Gjuzi është kryeministri në hije i alenacës. Rama tha se bufi i kënetës, referuar Sali Berishës, e di shumë mirë që më 11 maj nuk ka asnjë shans për fitore dhe për këtë arsye ka bërë listë për opozitë qëndrestare.

“Kujtim Gjuzi është kryeministri në hije i aleancës, se e vetmja gjë e madhe që ka ajo aleancë janë mustaqet e Kujtimit. Situata në kënetë është turbulente. Pa problem se i ha bufi ata. E keni pa listën e bufit, listë për opozitë qëndrestare. E di shumë mirë që s’ka asnjë shans, dhe ka bërë një listë për një opozitë qëndrestare. Që kur bëjnë kua kua kua as nuk shohin as nuk dëgjojnë”, tha Rama.