Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Drejtori i Teatrit Kombëtar Altin Basha është shkarkuar nga detyra ditën e sotme. Dyshohet se Basha ka abuzuar me fondet në Teatrin Kombëtar.
Basha është shkarkuar ditën e djeshme me vendim të Këshillit të Ministrave. Në vend të tij është emëruar menjëherë drejtuesi i ri, Indrit Çobani. Ministria ka deklaruar se është çelur procesi për zgjedhjen e drejtorit të Teatrit Kombëtar.
Para shkarkimit, Ministria e Ekonomisë, Kulturës dhe Inovacionit, pati ngritur nje grup pune per te verifikuar akuzat, proces pas te cilit, do te merrej nje vendim.
“Ministria e Ekonomisë, Kulturës dhe Inovacionit ka ndjekur me vëmendje, sikurse me shqetësim, zhvillimet e fundit mbi kronikat e transmetuara nga një emision investigativ lidhur me menaxhimin në Teatrin Kombëtar.
Për të garantuar transparencën dhe përgjegjshmërinë institucionale, Ministri i Ekonomisë, Kulturës dhe Inovacionit, më datë 23.12.2024 ka urdhëruar ngritjen e një grupi pune për të inspektuar situatën dhe aludimet e ngritura lidhur me disa aspekte të produksionit në Teatrin Kombëtar. Pas shqyrtimit me detaje të të gjithë dokumentacionit dhe fakteve të raportuara, do të vlerësohet përputhshmëria dhe do të merren masat ligjore të nevojshme”, thuhej ne sqarimin e MEK-it ne dhjetor.
Akuzat
Altin Basha u emërua Drejtor i Përgjithshëm i Teatrit Kombëtar në 12.12.2022. Sipas emisionit investigativ “Piranjat”, që prej emërimit në krye të këtij institucioni, Basha vendosi infrastrukturën dhe burimet e Teatrit Kombetar në dispozicion të aktivitetit të tij privat dhe familjar.
50% e prodhimeve që u vunë në skenë në 6 muajt e parë të drejtimit të tij në Teatrin Kombëtar janë prodhime private të atij vetë ose të bashkëshortes së tij, Ilirjana Bashës.
Ai e çeli sezonin e drejtimit të Teatrit me një premierë private ku është vetë regjizor dhe gruaja e tij skenografe dhe kostumografe duke vënë në dispozicion të një shfaqjeje private infrastrukturën e Teatrit Kombetar. Duke ndërprerë shfaqjet e kalendarit të teatrit, duke lënë trupën pa punë dhe duke okupuar skenën e teatrit me një shfaqje private që nuk përfaqëson logon e e Teatrit Kombëtar por është produksion 100% privat i Altin Bashës me producente bashkëshorten e tij Iliriana Basha. Për këtë, ndërpreu shfaqjen e Institucionit Ivanov.
Në 28 Dhjetor 2022 “Jesus Christ Superstar” është premiera me të cilën Altin Basha nis punën si Drejtor i Teatrit. Shfaqja ka si producente gruan e tij dhe si regjisor vetë atë. Një veprim në shkelje të hapur të ligjit, por që bie në syrin qorr dhe veshin shurdh të Elva Margaritit. Por ky është vetëm fillimi. Më poshtë po listojme shfaqjet e ngjitura në skenën e Teatrit kombëtar dhe autorët e tyre
Dhjetor 2022 Jesus Christ Superstar – producente Ilirjana Basha (bashkëshortja)
Janar 2023
Edmond – Teatri Kombëtar
Çifti – Produksion privat, regjisor Altin Basha, Skenografe, kostumografe Ilirjana Basha (bashkëshortja)
Shkurt 2023
La Baby Sitter – produksion Vasian Lami
Shtëpiakë të dëshpëruar – produksion Artan Imami
Tërësisht të Huaj – produksion Privat – kostumografe Ilirjana Basha (bashkëshortja)
Mars 2023
Monologjet e Vaginës – produksion privat, regjisor Altin Basha
Çifti – produksion privat, regjisor Altin Basha, skenografia, kostumografia Ilirjana Basha (bashkëshortja)
Tërësisht të Huaj – produksion Privat – kostumografe Ilirjana Basha (bashkëshortja)
Java e Kosoves
Orfeu Zbret ne ferr – produksion teatri Kombetar
Prill 2023
Orfeu Zbret ne ferr – produksion teatri Kombetar
Maj 2023
Endrra ime Rina – Teatri Kombetar
Certifikata e Martesës – Teatri Bylis
Sipas emisionit janë 13 produksione nga të cilat 6 janë private të drejtorit në disa raste, të drejtorit dhe gruas së bashku, në raste të tjera, të gruas. Me një llogari të thjeshtë në 6 muaj 23% të kalendarit të aseteve të Teatrit Kombëtar i ka përdorur trupa e teatrit, pra vetëm 23% e kohës është vënë në dispozicion të asaj për të cilën publiku shqiptar paguan taksat. 30 % është përdorur nga produksione të tjera dhe 47% e kalendarit të Arturbinës është zënë nga aktiviteti privat i drejtorit apo gruas së tij dhe kjo përbën një shkelje flagrante dhe të rëndë.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
