Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Gjykata e Posaçme e Kosovës për krime lufte, me seli në Hagë, njoftoi të martën se ish Presidenti i Kosovës Hashim Thaçi, deklaroi pafajësinë lidhur me akuzat për pengim të drejtësisë, të ngritura muajin e kaluar nga Zyra e Prokurorit të Specializuar.
Në një njoftim të Gjykatës thuhet se zoti Thaçi e dorëzoi me shkrim deklaratën e tij. Në dy seanca mbi ecurinë e çështjes ndaj tij, zoti Thaçi nuk pranoi të deklarohej për aktakuzat e ngritura ndaj tij.
Zyra e Prokurorit të Specializuar në fillim të dhjetorit njoftoi se ka ngritur aktakuzë ndaj Hashim Thaçit, Bashkim Smakajt, Isni Kilajt e Fadil Fazliut, për përpjekje për të penguar personat zyrtarë në kryerjen e detyrave zyrtare dhe mosbindje ndaj gjykatës, si dhe për ish ministrin e Drejtësisë, Hajredin Kuçi, për mosbindje ndaj gjykatës.
Sipas aktakuzës “mes të paktën 12 prillit 2023 dhe 2 nëntorit 2023, gjatë vizitave të veçanta, zoti Thaçi u ka ofruar zotit Smakaj, zotit Kilaj, zotit Fazliu dhe zotit Kuçi informacione të besueshme për zyrën e prokurorit, dëshmitarët, i udhëzoi ata që të ndikojnë në dëshmitë e dëshmitarëve dhe u ofroi hollësi si ta bëjnë këtë”.
Fadil Fazliu, Isni Kilaj dhe Hajredin Kuçi kanë deklaruar pafajësinë lidhur me akuzat ku pretendohet se zoti Thaçi “bashkërendoi tri grupe të veçanta, të formuara me tre të akuzuarit tjerë si dhe me zotin Kuçi, me synimin për të ndikuar në dëshmitë e dëshmitarëve”.
Në një paraqitje para Gjykatës muajin e kaluar, zoti Thaçi theksoi se “nuk është pengesë dhe as nuk paraqet rrezik për askënd në Kosovë në kuptimin politik”, ndërsa bëri thirrje për siç tha, domosdoshmërinë e “respektimit të ligjeve të Kosovës” nga Gjykata e Posaçme.
Ai tashmë po përballet me dy procese gjyqësore, përfshirë edhe atë nën akuzat për krime lufte dhe krime kundër njerëzimit, që filloi në prill të vitit 2023.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
