Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Shqipëria ka shënuar një tjetër moment të rëndësishëm në rrugën e saj drejt anëtarësimit në Bashkimin Evropian. Komiteti i Përfaqësuesve të Përhershëm të 27 vendeve anëtare të BE-së ka autorizuar sot Presidencën e BE-së që t’i kërkojë zyrtarisht Shqipërisë paraqitjen e pozicionit të saj negociues për grupkapitullin 4, Agjenda e Gjelbër dhe Ndërlidhja e Qëndrueshme.
Sakaq, Presidenca Polake i ka dërguar sot një letër zyrtare Qeverisë Shqiptare, duke hapur rrugën për përgatitjen e negociatave mbi katër kapituj kyç të kësaj grupings.
Qeveria bën me dije se pozicioni negociues i Shqipërisë do të prezantohet në Konferencën e gjashtë Ndërqeveritare, e cila pritet të mbahet së shpejti.
Grupkapitulli 4 përfshin katër kapituj të rëndësishëm që ndikojnë drejtpërdrejt në jetën e qytetarëve dhe zhvillimin ekonomik afatgjatë të vendit:
Kapitulli 14 – Politika e transportit: synon përmirësimin e infrastrukturës rrugore dhe hekurudhore, si dhe rritjen e sigurisë në transport.
Kapitulli 15 – Energjia: përqendrohet në garantimin e furnizimit të qëndrueshëm dhe të përballueshëm me energji.
Kapitulli 21 – Rrjetet trans-evropiane: fokusohet në ndërlidhjen infrastrukturore të Shqipërisë me vendet e BE-së dhe përfshirjen në Korridoret Evropiane.
Kapitulli 27 – Mjedisi dhe ndryshimet klimatike: përfshin angazhimin për mbrojtjen e mjedisit dhe përmbushjen e standardeve të larta të BE-së.
Përmes negociatave në këta kapituj, Shqipëria synon të ndërtojë rrugë më të sigurta dhe moderne, të forcojë ndërlidhjen me vendet e rajonit dhe BE-së, të garantojë energji të pastër dhe të përballueshme për qytetarët dhe të mbrojë mjedisin për brezat e ardhshëm.
Ky zhvillim përfaqëson një investim të drejtpërdrejtë në përmirësimin e cilësisë së jetës së qytetarëve shqiptarë dhe konsolidon rrugën e reformave drejt anëtarësimit në familjen evropiane.
Vendimi i sotëm është gjithashtu një vlerësim i progresit konkret të Shqipërisë, përfshirë reformat ekonomike, forcimin e institucioneve dhe angazhimin e Ekipit Kombëtar të Negociatave. Ai tregon mbështetjen e BE-së për një proces zgjerimi të drejtë, transparent dhe të bazuar në rezultate të prekshme.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
