Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Kryeministri Edi Rama zhvilloi sot një takim me qytetarët e Devollit, në kuadër të fushatës elektorale për zgjedhjet e 11 majit.
Gjatë fjalës së tij, Rama u bëri thirrje banorëve të votojnë për të ardhmen dhe stabilitetin, ndërsa nuk i kurseu ironitë në drejtim të kreut të Partisë Demokratike, Sali Berisha.
“Po votuat kënetën, hyni në gjynah, sepse mbani rrugëve një njeri që duhet të ishte kthyer në shtëpi,” u shpreh Rama, duke iu referuar Berishës.
“Mirë që gjithë këto vite nuk u gjet asnjë djalë, asnjë nip që t’i thoshte baba bufit lere këtë muhabet, por sot zogjtë e tij e marrin me tendë dhe e sjellin vërdallë në Shqipëri, një njeri të mbaruar pa shprese. Mosha e ka lajthitur komplet.
Demokratët duhet tani ta bëjnë rolin e atij djalit të vogël se hyni dhe në gjynah, mirë tani votën në kënetë se nuk është hera e parë që e çoni votën në kënetë. Hyni në gjynah se mbani rrugëve një njeri që duhet të shkonte në shtëpi…Devolli vendi i njerëzve më punëtore, po kur na çojnë rrugeçër atje një gjysmak një çyryk që nuk ka lënë rast pa bërë shfaqje për të thënë unë jam çyryku”, tha Rama.
Kryeministri Edi Rama në Devoll ka kritikuar edhe kandidatin e PD në zonë, Bledjon Nallbatin.
Rama rikujtoi se zona e Devollit dekada më parë është përfaqësuar në Parlament nga poeti i shquar Dritëro Agolli, ndërsa e quajti kandidatin demokrat si një “rrugaç”.
“Si mund të votojnë demokratët e Devollit për një rrugaç? Është një grup rrugacësh. Ju e dini mirë rrugaçin kryesor. Si mund të bjerë pazari deri në pikën kur t’i çojnë parlamentit të Shqipërisë këtë rrugaç? Si mund të shkosh nga Dritëri Agolli te një turp vendor këtu? Si mund të bëhet kjo punë”, tha Rama.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
