Publikuar më 14.04.2025 nga shekulli_admin

Kryministri Edi Rama i është përgjigjur kreut të PD-së Sali Berisha, i cili ka thënë se “nuk do ketë më hapjet të grupkapitujve për anëtarësimin e vendit tonë në BE”.

Përmes një video nga Facebook-u i tij, Rama duke folur nga makina rrugës nga Brukseli për në Luksemburg tha se pasditen e sotme do të hapet grupkapitulli i tretë për negociatat e Shqipërisë në BE.

“E pra ja ku jam rrugës nga Brukseli në Luksemburg, sot pasdite hapet grupkapitulli i tretë i negociatave për BE. Dëshmi se ne po ecim pa u ndalur në rrugën drejt majës së Shqipërisë 2030, zonjë në sallonin kryesor të BE”, tha kryeministri.

Edi Rama: Po si thanë kuak kuak kuak e kënetës nuk ka më hapje kapitujsh iku kjo punë, e bllokoi BE-ja narkoshtetin se vetë bufi shkoi në Europë bashkë me kirie Dulen dhe as darkë më nuk i dhanë narkokryeministrit tonë.

E pra ja ku jam rrugës nga Brukseli në Luksemburg, sot pasdite hapet grupkapitulli i tretë i negociatave për BE. Dëshmi se ne po ecim pa u ndalur në rrugën drejt majës së Shqipërisë 2030, zonjë në sallonin kryesor të BE. 

Ky i sotmi stacion që konfirmon se vetëm ne e dimë këtë rrugë dhe sot një hap tjetër më pranë objektivit tonë madhor mbyllja e negociatave të anëtarësimit deri në vitin 2027.

Sali Berisha u shpreh në mesditë se konferenca e sotme ndërqeveritare mes Shqipërisë dhe BE-së për procesin e integrimit, ka qenë i planifikuar muaj më parë.

Sipas Berishës, qeveria e re gjermane ka dalë me një deklaratë, përmes së cilës thotë se nuk mund të ketë zgjerim tjetër pa reformimin e BE-së. Sipas tij, në të njëjtën mendje është edhe Franca.

“Qeveria e re gjermane të dalë me një deklaratë, me të cilën kthehet procesi i integrimit, mbetet stand by. Nuk mund të ketë zgjerim tjetër pa reformimin e BE-së. Dhe këtë e ka në sintoni me qeverinë franceze. Kur këta dy faktor bëhen bashkë, të siguroj që ai mur bëhet i pakalueshëm. Ai kalohet vetëm duke plotësuar çdo kriter dhe standard.”

Berisha u bëri thirrje demokratëve të votojnë PD-në nëse duan BE-në, teksa vijoi duke thënë; “mos u mashtroni me pasaportën false të Ramës.”

“Ky vendim është i katër muajve më parë. Është planifikim i katër muajve më parë. Por theksoj se për PD, integrimi i Shqipërisë në BE është interesi kombëtar. E shpall çështje nr.1 të interesit kombëtar. Yllin polar të programit të programit tonë.

Nëse ka një forcë politike që ka dëshmuar seriozitet të plotë në procesin e integrimit dhe ka arritur çdo objektiv të përcaktuar është PD. Sali Berisha nuk do t’i shtrijë dorën askujt për të ndërtuar në këtë vend standardet e BE që është rruga më e sigurt e integrimit.

Gjithë ky aktivitet antidemokratik i Ramës, Vuçic, etj, ka bërë që qeveria e re gjermane të dalë me një deklaratë, me të cilën kthehet procesi i integrimit, mbetet stand by. Nuk mund të ketë zgjerim tjetër pa reformimin e BE-së. Dhe këtë e ka në sintoni me qeverinë franceze. Kur këta dy faktor bëhen bashkë, të siguroj që ai mur bëhet i pakalueshëm. Ai kalohet vetëm duke plotësuar çdo kriter dhe standard. Nuk shkohet në BE me Taulant Ballën ministër. A i ke parë deputetët, të gjithë ata me dosje i ka vënë në listë. Ky është morali i tyre. Nëse Shqiptarët janë vërtet për integrimin të votojnë forcën politike që ka dhënë prova të pakundërshtueshme që integron. Mos u mashtroni me pasaportën false të Ramës”- tha Berisha.

Komisionerja për Zgjerimin në Bashkimin Evropian, Marta Kos u shpreh sot se unioni mbështet integrimin e vendeve të Ballkanit Perëndimor.

Me anë të një postimi në rrjetet sociale, Kos shkruan se integrimi ishte mesazhi që dhanë ministrat e Jashtëm të vendeve të BE.

Sipas saj, zgjerimi mbetet mjeti më i mirë për të arritur këtë qëllim politik dhe të sigurisë.

“Bashkimi Evropian rikonfirmon angazhimin e tij për integrimin e Ballkanit Perëndimor.

Kjo ishte mesazhi i qartë i diskutimeve të sotme në Këshillin për Punët e Jashtme me Ministrat nga rajoni dhe Shtetet Anëtare të BE-së.

Zgjerimi i BE-së mbetet instrumenti ynë më efektiv për të avancuar këtë objektiv strategjik politik dhe të sigurisë.”, shkruan Marta Kos.