Publikuar më 28.02.2025 nga shekulli_admin

“Ne ju dhamë nëpërmjet këtij presidenti budalla (Joe Biden) 350 miliardë dollarë, ju dhamë pajisje ushtarake… nëse nuk do të kishit pajisjet tona ushtarake, kjo luftë do të kishte përfunduar brenda dy javësh”. Kështu u shpreh mbrëmjen e së premtes presidenti i SHBA Donald Trump, gjatë takimit 20 minuta në Zyrën Ovale.

Vizita e presidentit ukrainas Volodymyr Zelenskyy në Shtëpinë e Bardhë është ndërprerë para kohe pasi ai pati një përplasje të ashpër me presidentin amerikan Donald Trump dhe zëvendëspresidentin JD Vance, të cilët e akuzuan atë për sjellje “mosrespektuese” gjatë bisedimeve në Zyrën Ovale.

Trump i tha vazhdimisht Zelenskyy-t gjatë takimit se se ai “po rrezikon jetët e miliona njerëzve, me luftën e tretë botërore”, duke e paralajmëruar të mos presë më shumë garanci sigurie dhe duke i thënë: “Ose do të arrini një marrëveshje, ose ne dalim jashtë.”

Trump u përpoq të maskonte dallimet, duke krijuar një baraspeshë të rreme mes të dyja palëve të luftës dhe duke u pozicionuar “si për Ukrainën ashtu edhe për Rusinë” në përpjekje për të arritur një marrëveshje paqeje.

Kjo qasje binte në kontrast të fortë me deklaratat e Zelenskyy-t, i cili e përshkroi Putinin si një “vrasës” dhe “terrorist” që pushtoi Ukrainën, duke theksuar se ai nuk ishte i gatshëm të bënte kompromis mbi territorin ukrainas.

Të dy liderët u përplasën vazhdimisht për qëndrimin ndaj Rusisë dhe negociatave, si dhe për shkallën e mbështetjes evropiane për Ukrainën.

Sipas një zëdhënësi të Shtëpisë së Bardhë, marrëveshja e propozuar nga SHBA për mineralet e rralla midis SHBA dhe Ukrainës nuk është nënshkruar.

Më herët sot, Trump tha se dyshja do ta nënshkruanin atë gjatë konferencës së tyre të përbashkët për shtyp, e cila që atëherë është anuluar.

N/presidenti amerikan JD Vance, ka qenë pjesë e debatit të nxehtë zhvilluar pasditen e së premtes në Shtëpinë e Bardhë mes presidentit Trump dhe presidentit të Ukrainës në Zyrën Ovale.

Vance ka qenë i pari që i është drejtuar presidentit Zelensky, duke i thënë se është i pasjellshëm që shkon në Zyrën Ovale dhe debaton përpara mediave amerikane.

Më pas ai e ashpërsoi më tej kritikën, duke i kujtuar Zelenskyt se kishte shkuar në Pensilvani për të bërë fushatë për opozitën, për të vizituar një fabrikë armësh, një veprim që u pa si mbështetje indirekte për opozitën amerikane.

“Mendoj se është mungesë respekti për ju të hyni në Zyrën Ovale dhe të përpiqeni ta diskutoni këtë para mediave amerikane. Ju djema po detyroni rekrutët në vijën e frontit sepse keni probleme me fuqinë punëtore. Ju duhet të falënderoni presidentin.”, është shprehur zv/presidenti amerikan Vance.

Pas kësaj, Zelensky është përgjigjur duke thënë: “A keni qenë ndonjëherë në Ukrainë?”

Vance ia ktheu: “Ju sillni njerëz në një turne propagandistik. A mendoni se është respekt të vini në Zyrën Ovale të SHBA dhe të sulmoni administratën që po përpiqet të parandalojë shkatërrimin e vendit tuaj? Ju shkuat në Pensilvani dhe bëtë fushatë për opozitën në tetor. Ofroni disa fjalë vlerësimi për Shtetet e Bashkuara të Amerikës dhe presidentin që po përpiqet të shpëtojë vendin tuaj.”

Në këtë diskutim ka hyrë edhe presidenti Trump

‘‘Mos na thuaj se çfarë do të ndiejmë. Ne po përpiqemi të zgjidhim një problem. Mos na thuaj se çfarë do të ndiejmë, sepse nuk je në pozita për të na diktuar atë saktësisht. Nuk je në pozita për të diktuar se çfarë do të ndiejmë”, ka thënë ai.

Përplasja mes dy liderëve tregon dallimet e thella në qasjen e tyre ndaj luftës dhe diplomacisë, ndërsa mbetet për t’u parë se si do të ndikojë ky takim në marrëdhëniet mes Uashingtonit dhe Kievit.

Presidenti i SHBA, Donald Trump, ka ndarë një deklaratë pas takimit të tij me presidentin ukrainas Voldymyr Zelensky në Shtëpinë e Bardhë.

Ja postimi i tij i plotë në Truth Social:

Ne patëm një takim shumë domethënës në Shtëpinë e Bardhë sot.

U mësua shumë që nuk mund të kuptohej kurrë pa biseda nën një zjarr dhe presion të tillë.

Është e mahnitshme ajo që del përmes emocioneve dhe unë kam vendosur që presidenti Zelensky nuk është gati për paqe nëse përfshihet Amerika, sepse ai mendon se përfshirja jonë i jep atij një avantazh të madh në negociata.

Nuk dua avantazhe, dua PAQE.

Ai nuk i respektoi Shtetet e Bashkuara të Amerikës në Zyrën e tyre të dashur Ovale.

Ai mund të kthehet kur të jetë gati për paqe”-shkroi Trump.

BBC raportoi pas takimit se Presidenti Zelensky sapo u largua nga Shtëpia e Bardhë, pas anulimit të konferencës për shtyp ku ishte planifikuar të firmosej marrëveshja për mineralet e rralla mes SHBA dhe Ukrainës.

“Nuk është aspak nënvlerësim të thuhet se ky ishte, për Zelenskyn që erdhi sot këtu, momenti më kritik diplomatik dhe politik për të dhe vendin e tij që nga pushtimi i plotë i Ukrainës nga Rusia tre vjet më parë. Kjo ka kaluar në një moment tensioni të jashtëzakonshëm dhe të paprecedentë, duke shpërthyer në Zyrën Ovale”, kështu shkruan BBC, duke përshkruar momentet më pikante të takimit të së premtes në Washington.

Në thelb, nisi nga një veshje publike e liderit ukrainas nga Donald Trump dhe zëvendëspresidenti JD Vance. Filloi nga Vance duke i thënë Zelenskit se lufta duhej të përfundonte përmes diplomacisë. Çfarë lloj diplomacie, u përgjigj Zelensky.

Më pas ai u akuzua nga nënkryetari për mosrespektim. Kjo më pas u përshkallëzua shumë shpejt në ato foto të mrekullueshme që sapo keni parë dhe dëgjuar.

Trump dhe Vance e akuzuan Zelenskyn se ishte mosmirënjohës për tre vjet mbështetje amerikane, duke i thënë atij se nuk ishte në gjendje t’i tregonte SHBA-së se si duhet të ndihej për këtë.

Pak minuta më parë, Trump postoi në platformën e tij “Truth Social” se Zelensky “nuk ka respektuar Shtetet e Bashkuara të Amerikës në Zyrën e tyre të dashur Ovale. Ai mund të kthehet kur të jetë gati për paqe”.