Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Kryeministri Edi Rama, në rubrikën Sy më sy në Facebook u shpreh sot se “më duhet rri edhe pak”, referuar largimit të tij nga politika, teksa theksoi se ka një mision para dhe është anëtarësimi në BE. Rama theksoi se kryeministrat shkojnë e vijnë, duke shtuar “më duhet ta përmund këtë mision, nuk mund të luaj me fatin”.
Kreu i qeverisë theksoi se është momenti për të marrë hak për të gjitha poshtërimet që i janë bërë në breza kombit shqiptar.
Edi Rama: Kryeministrat shkojnë e kryeministrat vijnë. Mua më duhet të rri edhe pak, dakord, të rri edhe pak sepse duhet ta përmbush këtë mision.
Nuk mund të luaj me fatin, e kemi krijuar këtë fat por edhe na është krijuar ky fat edhe nga rrethanat e Evropës.
Është momenti për të marrë hak për të gjitha poshtërimet që i janë bërë në breza kombit shqiptar, populli shqiptar, nga të huajt dhe nga vetja, më shumë nga vetja se sa nga të huajt. Por sot hakmarrja ka emër, ka destinacion, ka një mision që quhet Shqipëria anëtare e BE.Kryeministri Edi Rama iu përgjigj komentuesve në rrjetet sociale edhe për raportet me Shtetet e Bashkuara të Amerikës. Rama nuk foli për diçka konkrete, por tha se “do ta shikoni Amerikën dhe marrëdhëniet me Amerikën”.
Kreu i qeverisë kujtoi kohën kur Donald Trump mori mandatin e parë, që në Parlament i thane “ik vetë se do vijë Trump të të marrë zvarrë”.
“Çfarë do të dish ti për Amerikën, për marrëdhëniet me Sorosin? Apo ta kanë marrë dhe ty trurin peng dhe të fusin cdo ditë gjilpërën me llum kënete në kokë.
Do t’i shihni Amerikën, mos kini merak. Do ta shihni edhe marrëdhënien me Amerikën edhe mbështetjen e Amerikës do ti shikoni sic i keni parë, por ju nuk mbani mend.
E keni kujtesën e dobët sepse ju mban këneta peng.
Ju kujtohet që kur fitoi Trump herën e parë që mu çuan mua në Parlament dhe më thanë ik vetë tani se do vijë Donald Trump të të marrë zvarrë! Ju kujtohet? Si vazhdoi puna? Apo kësmet”, tha Rama.
Rama dha edhe një mesazh për qytetarët.
Ai tha se qytetarët shqiptarë mund ta shajnë sa të duan, por se atë do të votojnë. Rama theksoi se vetëm Partia Socialiste e integron Shqipërinë në Bashkimin Europian.
Edi Rama: Shani sa të doni, por PS do të votoni. Vetëm PS mund t’ju integrojë në BE. Deri tek integrimi, votën mua.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
