Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Është ndarë nga jeta mjeku i njohur onkolog Agim Karaj. Lajmi është bërë i ditur nga familjarët, të cilët njoftojnë se homazhet mbahen sot, ndërsa përcjellja e tij për në banesën e fundit do të bëhet ditën e nesërme.
Ceremonia e varrimit, sipas njoftimit, do të zhvillohet në orën 11:00 dhe varrimi do të bëhet në Tufinë.
Onkologu Agim Karaj do të festonte sot 74-vjetorin e lindjes.
“Me hidhërim te thelle dhe me dhimbje shume te madhe njoftoj ndarjen nga jeta te babait tone Prof.Dr Agim Karaj. Pritja dhe përcjellja behet tek funeral home Univers tek Rruga Bardhyl përballë postes shqiptare nr 32.Homazhet fillojnë sot dite e hënë ne orën 10.00 dt 25.11.2024.
Ceremonia e varrimit behet ditën e marte ne date 26.11.2024 ora 11.00. Varrimi behet ne Tulinë. Me respekt, nga familja”, thuhet në njoftim.
Spitali QSUT ka reaguar për ndarjen nga jeta të mjekut duke u shprehur se Prof.Dr. Karaj ka dhënë një kontribut të jashtëzakonshëm në fushën e mjekësisë dhe ka lënë gjurmë të pashlyeshme, duke shërbyer me profesionalizëm dhe humanizëm të pashoq.
‘Me dhimbje të thellë mësuam lajmin e ndarjes nga jeta të të nderuarit Profesor Agim Karaj, një figurë e shquar e mjekësisë shqiptare dhe një shembull i përkushtimit të palodhur në shërbim të pacientëve dhe edukimit të brezave të rinj të mjekëve.
Kontributi i tij i jashtëzakonshëm dhe vizioni i qartë kanë lënë gjurmë të pashlyeshme në fushën e mjekësisë shqiptare, ku ai shërbeu me profesionalizëm dhe humanizëm të pashoq.
Në këto momente të vështira, stafi i QSUT i shpreh ngushëllimet më të sinqerta familjes, miqve dhe kolegëve të tij. Humbja e Profesor Karaj është e madhe jo vetëm për ata që e njohën nga afër, por për gjithë komunitetin mjekësor dhe shoqërinë shqiptare.
Qoftë i paharruar kujtimi i tij!’
Pas përfundimit të studimeve në Fakultetin e Mjekësisë në vitin 1975, Dr. Karaj filloi karrierën si kirurg në Qendrën Spitalore Universitare “Nënë Tereza”, ku më pas u specializua si kirurg onkolog. Në vitin 1987, ai u specializua në Institutin “Gustave Roussy” në Paris, një nga institucionet më të mira në botë për onkologji dhe onkoplastikë. Karriera e tij u pasurua nga pjesëmarrje në trajnime dhe konferenca ndërkombëtare, si dhe nga referimet e tij në institucione të njohura si Instituti i Onkologjisë në Milano.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
