Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Miratimi i buxhetit 2025 ka shkaktuar reagime të ashpra nga opozita, e cila kundërshton buxhetin që u votua sot me 75 vota të mazhorancës.
Sekretari i Përgjithshëm i Partisë Demokratike, Flamur Noka, tha në News 24 se buxheti është kundër interesave të qytetarëve shqiptarë, veçanërisht kundër pensionistëve.
Teksa bëri një krahasim lidhur me ndarjen e buxhetit për pensionet që qeveria e Kosovës dhe ajo Shqipërisë praktikon, Noka tha se vendi ynë ka pensionet më të ulëta në rajon.
Demokrati u shpreh i revoltuar duke thënë madje se një qen që qeveritarët mbajnë në shtëpi konsumon në vakt ushqim që ka kosto sa pensioni mujor që merr një pensionist, i cili më këto para duhet të blejë ilaçe, të paguajë ujë drita, të vishet e të ushqehet për tërë muajin.
“ E kupton ti ndërkohë që një qen që mbajnë në shtëpi qeveritarët ha në vakt 8 mijë lek, këta i japin pensionistit të blejë ilaçet, të paguajë ujë drita të ushqehet. Po ka gjë më poshtërsi se kjo për një qeveri?” u shpreh Noka.
“E patë ju Ramën çfarë bëri? Ai zgjodhi vetëm ti hakërrehej opozitës sepse s’kishte si ta mbronte këtë buxhet dhe tha se do jepet bonuse për pensionistët. Për kë ishte ky buxhet? Ishte ky për pensionistët? 8.2 mld euro buxheti sipas qeverisë, rritja e pensioneve 4.1 % për tu tallur me një cinizëm ekstrem.
3.2 mld është buxheti i Kosovës 20% i rriti qeveria e Kosovës. Ndërkohë që në Shqipëri pensionet e pensionistëve janë më të ulëtat në rajon. E kupton ti ndërkohë që një qen që mbajnë në shtëpi qeveritarët ha në vakt 8 mijë lek, këta i japin pensionistit të blejë ilaçet, të paguajë ujë drita të ushqehet. Po ka gjë më poshtërsi se kjo për një qeveri?.. Një qen ha në vakt sa merr një pensionist në muaj”, tha Noka.
Sipas tij, nga viti 2014 deri në 2024, pensionet janë rritur 26 % ndërsa inflacioni është rritur 34 %. “Vetëm nga inflacioni, pensionisti sot merr 8 % më pak se 10 vjet më pak. Për fermerët, fondi i caktuar është tallje dhe poshtërim”, tha Noka.
I pyetur nëse rezultoi produktive protesta jashtë Parlamentit dhe debati brenda sallës së Kuvendit, Noka u shpreh se i gjithë aksioni opozitar brenda dhe jashtë kishte vetëm një qëllim që të bëhej transaparenca.
“Protesta para Kuvendit u thirr në një solidarizim me pensionistët, ishte protestë e pensionistëve”, tha Noka. Ai tha se mosbindja civile nuk lidhet me pjesëmarrjen. “Mosbindja civile edhe 5 vetë atje dhe 5 këtu e kryejnë misionin. Pjesëmarrja ishte e shkëlqyer. Për ne nuk ka rëndësi numri, nuk kishim thirrur mijëra protestues për të rrëzuar Kuvendin”, tha Noka.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
