Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Policia e Tiranës ka bërë reagimin e parë pas atentatit që u regjistrua në rrugën “Faik Konica”, pranë Fakultetit Histori-Filologji, në kryeqytet.
Nga të shtënat rreth orës 23:00 mbeti i plagosur 52-vjeçari Eduart Reçi, biznesmen me origjinë nga Dibra.
Zona ku ka ndodhur ngjarja është mjaft e frekuentuar dhe e monitoruar nga kamerat e sigurisë së bizneseve përreth. Dyshohet se momenti i atentatit është filmuar.
Ka ndërruar jetë në spitalin e Traumës, biznesmeni i ndërtimit Eduart Reçi i cili u qëllua me plumb në kokë në orët e vona të mbrëmjes së 13 nëntorit 2024. Vrasja u shënua rreth orës 23:00 pranë shtëpisë së tij në afërsi të Fakultetit Ekonomik në Tiranë, aty ku kishte ndërtuar një nga pallatet e tij, në rrugën ‘Faik Konica’.
Mësohet se Eduart Reçi, pronar i kompanisë ELGM ndërroi jetë mëngjesin e sotëm në spitalin e Traumës. 52-vjeçari nuk i mbijetoi dot plagës së rëndë, pasi predha e plumbit kishte përshkuar kokën tej për tej.
52 vjeçari ka qenë duke ecur në këmbë pranë pallatit në pronësi të tij ku dhe kishte banesën kur dhe është qëlluar nga një person ende paidentifikuar.
Raportohet 52-vjeçari Eduart Reçi ka qenë i vetëm në momentin kur u qëllua me armë zjarri rreth orës 23:00, mbrëmjen e së mërkurës (13 Nëntor). Biznesmeni mësohet se po qëndronte në këmbë jashtë pallatit të tij në lagje në rrugën “Faik Konica”.
Dyshohet vikti është qëlluar nga lart në distancë. Ai mori një plumb të vetëm në kokë dhe u dërgua tek spitali i Traumës, por nuk arriti që të mbijetojë.
Policia po punon për identifikimin dhe kapjen e autorit/ve. Ndërsa janë sekuestruar dhe pamjet e kamerave të sigurisë në zonën ku ndodhi atentati.
Reçi njihet si biznesmen dhe pronar i disa subjekteve në atë zonë, ndërsa në momentin e të shtënave ndodhej pranë banesës së tij.
Grupi hetimor që po heton vrasjen e biznesmenit Eduart Reçi ka sekuestruar kamerat e sigurisë. Në pamje dëgjohet një e shtënë dhe menjëherë 52-vjeçari bie përdhe pasi plumbi e kap në kokë. Fatkeqësisht pamjet e sigurisë nuk kanë filmuar autorin ose autorët për shkak të errësirës. Në pyetje janë marrë familjarët e tij, të cilët kanë mohuar që të kenë dijeni përplasje të Reçit me persona të tjerë.
Eduard Reçi me origjinë nga Dibra aktualisht merrej me ndërtim por dikur mësohet se ka punuar edhe ish-drejtor në SHISH. Report Tv dhe shqiptarja.com transmetoi në mesnatë pamjet nga vendi i ngjarjes kur forcat e policisë kishin rrethuar zonën dhe po mblidhnin provat.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
