Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Deputeti i Partisë Demokratike, Lefter Gështenja ka dalë me urgjencë nga Parlamenti.
Burime për mediat bëjnë me dije se deputeti demokrat është marrë nga ambulanca pasi ka shfaqur probleme me hernien.
Deri më tani nuk dihet gjendja shëndetësore e deputetit, ndërkohë në pamjet e mëposhtme ai shihet teksa shoqërohet punonjësid e Gardës për tek autoambulanca e cila e pret në dalje të Kuvendit.
Deputeti i Partisë Demokratike, Saimir Korreshi ka treguar se gjendja shëndetësore e kolegut të tij, Lefter Gështenjës është stabël.
Demokrati tregoi se Gështenja kishte dalë nga salla e Kuvendit për në korridor pasi kishte probleme me frymarrjen nga hernia diskale.
“Ai prej kohësh, ka bërë dhe terapi për hernien diskale. Sot ai është bllokuar totalisht. Dyshuam se mos po pësonte infarkt dhe është transportuar menjëherë në QSUT. Gjendja e tij është stablël. Nga zemra nuk ka gjë, sipas mjekëve. Janë dhimbje nga një shok që transformohet në frymëmarrje. Pati një zbehje dhe këputje nga dhimbjet e forta. Në atë kohë ndodhej në korridor pasi nuk ndihej mirë me frymëmarrjen, te dera sapo del nga seanca plenare”, tha Korreshi për News24.
Ndër të tjera, demokrati theksoi se në Kuvend kishte infermiere, mirëpo ishin kolegët ata të cilët e mbajtën nga krahët për shkak të dhimbjeve të forta që kishte.
“Aty është gjithmonë ambulanca, por në atë moment nuk kishim ku ta poziciononin sepse dhimbjet i kishte aq të forta sa nuk rrinte as ulur dhe as në këmbë. Kishte infermierë, por nuk do ta them sesi ndodhi, ishte situatë kaq e shpejtë”, shtoi Korreshi.
Deputeti demokrat, Lefter Gështenja u dërgua në QSUT paraditen e kësaj të enjte. Ai u ndje keq nga hernia diskale teksa ndodhej në Kuvend dhe menjëherë më pas u transportua drejt spitalit.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
