![](https://shekulli.com.al/admin/wp-content/uploads/2024/07/Ndrea-Prendi-spak-1.jpeg)
Ish-komandanti i Gardës së Republikës Ndrea Prendi është paraqitur ditën e sotme në ambientet e Prokurorisë së Posaçme SPAK. Kujtojmë se SPAK ka rihapur hetimet për çështjen e “21 Janarit”, protestë ku humbën jetën 4 persona. Ditën e djeshme në ambientet e SPAK janë paraqitur familjarë të Aleks Nikës, i cili mbeti i vrarë në 21 Janar të vitit 2011.
Gjatë protestës së opozitës së asaj kohe, Ndrea Prendi shërbente si komandanti i Gardës së Republikës, e cila hapi zjarr drejt protestuesve në 21 Janar.
Ish-Komandanti i Gardës, ka dalë nga ambientet e SPAK pasi ka dëshmuar për rreth 3 orë e 20 minuta, ndërsa deklaroi se do të paraqitet sa herë ta thërrasin.
![](https://shekulli.com.al/admin/wp-content/uploads/2024/07/Ndrea-Prendi-spak-1-1024x810.jpeg)
Pyetje: Për çfarë ishit thirrur? Do të vini sërish në SPAK?
Ndrea Prendi: Sa herë të na thërrasin!
Pyetje: Për çështjen e 21 Janarit?
Ndrea Prendi: Për çdo gjë!
Kujtojmë që Rajmonda Nika, gruaja e Aleks Nikës, një nga 4 protestuesit e vrarë në protestën e 21 janarit, është paraqitur këtë të hënë në ambientet e Prokurorisë së Posaçme.
Ajo ishte e shoqëruar nga xhaxhai i të ndjerit, Mark Nika, ku të dy kanë dëshmuar në SPAK në lidhje me dosjen e 21 janarit.
Rajmonda Nika ishte ajo që fitoi betejën në Strasburg ku Gjykata Ndërkombëtare e konsideroi si vrasje shtetërore dhe u shpreh për mungesën e hetimeve në Shqipëri përgjatë këtyre viteve.
Ishte Gjykata e Lartë ajo që urdhëroi Prokurorinë e Posaçme të regjistronte procedimin, pas vendimit së Gjykatës Evropiane për të Drejtat e Njeriut.
Prokuroria e Posaçme regjistroi më 16 Korrik procedimin penal për dosjen e 21 janarit, për vrasjen e Aleks Nikës dhe plagosjen e tre protestuesve të tjerë, Artes Dybeli, Ilia Qesko dhe Ilia Papa.
Me anë të një njoftimi, SPAK thotë se ka regjistruar procedimin penal për “vrasje në rrethana të tjera cilësuese” e kryer në bashkëpunim, “shpërdorim detyre” dhe “Kryerja e veprimeve që pengojnë zbulimin e së vërtetës”.
SPAK thote se ka vendosur “Përcaktimin e kompetencës lëndore për hetimin e procedimit penal nr.285, të vitit 2011, të regjistruar në Prokurorinë pranë Gjykatës së Shkallës së Parë të Juridiksionit të Përgjithshëm, Tiranë, duke caktuar si prokurori kompetente Prokurorinë e Posaçme kundër Korrupsionit dhe Krimit të Organizuar.”
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/