Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Kryeministri Edi Rama i është përgjigjur drejtorit të emisionit “Report” në televizionin italian “RAI3” në lidhje me një investigim që është bërë për Shqipërinë, konkretisht për kampet e refugjatëve që do të ngrihen në vendin tonë, sipas marrëveshjes Itali-Shqipëri.
Në përgjigje të Sigfrido Ranucci, Rama thote se “eshtë për të ardhur keq që nuk keni guximin të përballeni me arsyen shumë të thjeshtë të telefonatës sime me drejtorin tuaj”.
Kreu i qeverisë thekson se telefonata ishte vetëm për të sqaruar të vërtetën, pasi emisioni ‘Report’ pretendoi se sekretari i Përgjithshëm i Këshillit të Ministrave, Engjëll Agaçi nuk i ishte përgjigjur pyetjeve të emisionit, por në fakt përgjigjet i kishin marrë brenda kohës së kërkuar.
“Është për të ardhur keq që nuk keni guximin të përballeni me arsyen shumë të thjeshtë të telefonatës sime me drejtorin tuaj, domethënë kërkesën për të sqaruar arsyen e një gënjeshtre të paraqitur jo një herë, por dy herë, jo vetëm në Itali, por edhe në Shqipëri, pra se Sekretari i Përgjithshëm i Këshillit të Ministrave nuk i ishte përgjigjur kërkesës suaj për sqarim, e cila u shoqërua më pas me një gënjeshtër të tretë që mori formën e mohimit të dy të parave duke publikuar përgjigjet e marra vetëm në uebsajti i transmetimit, duke shtuar një të katërt mbi dokumentet gjyqësore që nuk ekzistojnë”, thuhet ne reagimin e Rames.
Përgjigja e drejtorit
Drejtor i programit “Report” në RAI 3 dhe drejtues i rrjetit publik italian RAI, Sigfrido Ranucci, ka reaguar pas reagimeve të shumta që ka sjellë në vendin tonë investigimi për marrëveshjen Rama-Meloni për emigrantët.
Ranucci, tha për Syritv, se dokumentet që kanë publikuar ata janë dokumente gjyqësore ndërsa shoti se kryeministri Edi Rama dhe Sekretari i Përgjishëm e Këshillit të Ministrave, Engjëll Agaçi, nuk kanë pranuar të japin intervistë për televizionin publik italian.
“Unë sinqerisht e prisja më shumë një reagim në Itali se ne jemi televizion publik që bëjmë investigime të rëndësishme. Merremi me administratën publike. Italia po jep 1 miliard euro para publike për këtë program për emigrantët. Sigurisht me Shqipërinë duhet të bënim llogaritë edhe me korrupsionin. Ne kemi vepruar mbi bazën e dokumenteve gjyqësore, pra shumë të rëndësishme. Na vjen keq që kryeministri Edi Rama dhe këshilltari i tij juridik, Engjëll Agaçi, nuk e pranuan intervistën. Nuk e kuptoj pse nuk pranuan një intervistë me televizionin publik italian”, deklaroi ai.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.gif)
