Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Vizita e presidentit ukrainas, Volodymyr Zelensky në Tiranë për të marrë pjesë në Samitin Ukrainë-Evropë Juglindore mori vëmendjen e mediave ndërkombëtare.
Ardhja e Zekenskyt për herë të parë në tokën shqiptare bëri jehonë nëpër botë, ndërsa nuk munguan as keqdashësit, të cilat tentuan të dezinformonin opinionin publik.
Pre e dezinformimit ranë madje disa nga institucionet shqiptare, siç ishin Ministria e Mbrojtjes, Këshilltarja e Ministrisë për Europën dhe Punët e Jashtme Albana Qehajaj, Ambasada e Rumanisë në Shqipëri dhe Ambasada e Greqisë në Shqipëri.
Institucionet e lartpërmendura ripostuan në platformat e tyre “X” një postim të Zelenskyt nga profili i tij i “verifikuar” (që më vonë rezultoi se ishte fals dje jo profili zyrtar i Zelenskyt).
Bëhet fjalë për një postim që u bë nga llogaria e Zelensky në “X” mbrëmjen kur ai mbërriti në aeroportin “Nënë Tereza” ku u prit nga ministri Igli Hasani dhe Elisa Spiropali.
Në atë postim në profilin e rremë të Zelenskyt shkruhej: “Jam i lumtur që takohem me Ministrin e Evropës dhe Punëve të Jashtme të Shqipërisë , Igli Hasani. Ne do të diskutojmë çështjen e Krimesë, dhe të Kosovës dhe mbështetjen për Ukrainën. Shqipëria është një vend i pasur, ndaj shpresoj në pjesëmarrjen e saj financiare në forcimin e demokracisë dhe lirisë”.
Sigurisht institucionet përkatëse nuk do e kishin ripostuar këtë deklaratë nëse do e kishin lexuar me vëmendje, pasi në të shkruhen çështje që nuk ishin planifikuar për këtë Samit e as nuk përfshiheshin në axhendë.
Gjithashtu deklarata: “Shqipëria është një vend i pasur…” ishte një tjetër manipulim në postimin e sipërpërmendur nga llogaria e parodisë së Zelensky.
Pas disa minutash institucione e kuptuan gafën që kishin rënë pre e dezinformimit dhe i fshinë postimet e tyre.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
