Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Alma Kaçi tha sot në një intervistë në SYRI TV, se videoja e saj me Safet Gjicin u bë virale pasi e çoi në redaksinë e ‘Fiks Fare’.
‘Sot kam çuar kartën e memories në redaksinë e ‘Fiks Fare’, të nesërmen videoja u bë virale. Nuk u transmetua, por e bënë virale. Përdorën këtë gjë, e bënë virale,’ tha ajo.
Alma Kaçi akuzon se ka bërë investigime për blerje votash, por ato nuk janë transmetuar nga ‘Fiks Fare’.
‘Ishte vala e nxehtë kur ishin votimet dhe për kryebashkiakët e tjerë bëhej fjalë për blerje votash. Të gjitha këto raste janë bërë kundrejt marrjes së votës dhe kundrejt emisionit ‘Fiks Fare’ dhe që nuk janë transmetuar.
Për shembull në Bashkinë e Kavajës, ish-kryebashkiaku përmes vëllait të vet, ndante ushqime te komuniteti rom, jepte tollona, edhe lekë ndoshta, por që nuk asistova dot për lekë.
Alma Kaçi tha se mjetet e saj mbeten të sekuestruara dhe se SPAK i ka zhdukur provat.
“Janë të sekuestruar telefonat. Telefoni i djalit tim. Karta memorie, USB. Një tabletë. Edhe gota me të cilin kam kryer filmimin.
Me sa më ka thënë avokatja ime, SPAK është ndalur vetëm në rastin e Safetit.
Ajo kishte një mesazh edhe për gjyqtaren që i dha vendimin.
“Gjyqtares Atalanta Zeqiri që më dha këtë akuzë, ndoshta është një akuzë që të marrin frikë edhe femrat e tjera që kanë regjistrime. Por janë femrat e tjera që e bëjnë këtë gjë, në institucione të larta ose jo,” tha Alma Kaçi.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.gif)
