Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Më shumë se sa eliminimi i Tiranës, kjo ishte e pritshme, ajo që la një shije jo të mirë ishte kaosi dhe dhuna që shoqëroi këtë sfidë, para dhe pas përfundimit. Në “Air Albania”, Tirana-Beshiktash nisi me 15 minuta vonesë, madje rrezikoi të mos luhej pasi tifozët e dy ekipeve prodhuan kaos. Flakandë dhe mjete piroteknike në fushë ndërsa nuk mungoi as përplasja ndërmjet tyre ku u desh ndërhyrja e forcave të rendit për të qetësuar situatën. Akoma më shqetësues është bilanci pas përfundimit të këtij takimit, ku tifozët ultras të dy ekipeve u përplasën ndërmjet tyre në rrugët e kryeqytetit.
Ultrasit bardheblu nuk e kanë pritur mirë përfundimin e sfidës, aq më shumë sjellën e tifozët të Beshiktash të cilët gjatë gjithë ndeshjes provokuan.
Gjatë dhunës së ushtruar në disa nga rrugët e kryeqytetit, nga bulevardi “Dëshmorët e Kombit”, te Pedonalia etj. tifozët nuk kanë kursyer as sendet e forta, shkopinj etj, ku pamjet tregojnë qartë që disa tifozë turq përfunduan në gjendje të rëndë. Tirana tani rrezikon një gjobë të majme nga UEFA pasi ishin ata organizatorët e këtij takimi.
Tirana u eliminua mbrëmë në turin e dytë të Conference League. Bardheblutë u mposhtën 3-1 në Stamboll nga Besiktas, ndërsa takimi përfundoi 0-2 në favor të skuadrës së Senol Gunes.
Ndeshja nisi me vonesë dhe me mjaft tension, pas hedhjes së fishekzjarreve në fushë nga tifozët turq dhe më pas përplasja me lojtarin e 12-të të kundështarëve.
Rasti i parë konkret i takimit erdhi në minutën e 10-të me Aboubakar, por sulmuesi i Besiktas nuk u tregua i saktë me kokë. Ekipi i Shehit u kundërpërgjigj me Deliun në minutën e 19-të, duke lëshuar kështu sinjale të qarta për portën turke.
Në fundin e fraksionit, mysafirët pretenduan për penallti për shkak të një shtyrje të Haxhiut ndaj Fernandes. Nuk mendoi kështu arbitri anglez Attwell, i cili sinjalizoi vazhdimin e takimit.
Fati nuk ishte me Tiranën në pjesën e parë, pasi u dëmtuan dy lojtarë si portieri Gentian Selmani dhe mesfushori, Ardit Deliu. Për t’i shuar një herë e mirë shpresat e vendasve për një kualifikim të mundshëm mendon Amartey, në minutën e 57-të.
Pak më pas, Arthur Masuaku u ndëshkua me karton të kuq, duke lënë Besiktas me një lojtar më pak. Nuk vonoi shumë edhe goli i dytë, me Aboubakar. Përfundon aventura europiane për Tiranën, skuadër e cila tashmë duhet të foksuohet në objektiva të tjerë.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.gif)
