×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

“Kjo është arritja ime e parë madhore në futboll”, rrëfehet ‘Këpuca e Artë’ Valentina Troka: Asgjë nuk ka qenë e lehtë për mua

Është vetëm 20 vjeçe, por me shumë punë dhe sakrificë ia ka dalë të shpallet ‘Këpuca e Artë’ për edicionin 2022-2023 në futbollin e vajzave. Valentina Troka e nisi futbollin ashtu sikurse shumica e futbollistëve të mëdhenj, në lagjet e qytetit të saj, duke ëndërruar që një ditë të bëhet profesioniste në këtë lojë. Nuk është mërzitur kur nuk ka luajtur që nga minuta e parë, por ka besuar se durimi duhet ta shoqërojë gjithnjë njeriun dhe se do të vinte edhe dita e saj.

Tashmë është një futbolliste dhe sulmuese e afirmuar e Apolonisë dhe pjesë e ekipit Kombëtar A. Valentina Troka nuk fsheh asgjë në intervistën për rubrikën ‘Talenti Shqiptar’ për fshf.org. Nga hapat e parë në futboll, tek idhulli ‘Ibrahimoviç’, suksesi ‘Këpuca e Artë’, mbështetja e familjes, Apolonia dhe hera e parë te Shqipëria dhe golat në radhët e ekipit kombëtar– Valentina rrëfen gjithçka. Është falënderuese për besimin që i kanë dhënë dhe premton shumë për të ardhmen në futbollin shqiptar. Në fund, me gërma të mëdha, sulmuesja kuqezi jep edhe një mesazh për vajzat e futbollit dhe ato që duan të luajnë futboll.

Valentina Troka

-Çfarë ju ka shtyrë të përfshiheshit në botën e futbollit? Sa vjeçe ishit kur nisët të luanit?

– Që kur isha fare e vogël kisha shumë dëshirë të luaja futboll. Madje, mbaj mend që gjatë pushimeve verore nuk ndalesha duke luajtur futboll në lagje, por edhe kur shkoja në plazh. Doja të stërvitesha sa më shumë sepse kisha shumë dëshirë që kur të rritesha të luaja me një klub futbolli për vajza dhe kam qenë 16 vjeçe kur jam bërë pjesë e ekipit të Apolonisë së Fierit.

-Na tregoni pak për hapat e tua në karrierë, ku e nisët dhe si vazhdoi gjithçka?

– Siç e përmenda edhe më sipër, Apolonia është ekipi ku nisi ëndrra ime e bukur. Kam luajtur për rreth një vit në këtë skuadër. Nuk mund të them që kam qenë gjithmonë titullare, hyja shpesh në lojë si zëvendësuese, por kjo më ka rritur më shumë si lojtare. Më pas kalova në ekipin e Tirana AS, ku kam luajtur për rreth një vit dhe u riktheva sërish tek ekipi i Apolonisë, ku jam edhe sot e kësaj dite. Është krenari e madhe të luaj për këtë ekip.

-Për vajzat nuk është e lehtë të merren me futboll, po për ju si ka qenë? Kush ju ka mbështetur më shumë?

Në fillim ka qenë shumë e vështirë. Nuk mund të them që nuk është e njëjta gjë tani, por duket se gjërat kanë ndryshuar për mirë. E megjithatë, shprehja ‘Futbolli është vetëm për djem’ vijon të nënvizohet ende në shumë zona të Shqipërisë. Por unë, dua të falënderoj familjen që ka qenë mbështetja më e madhe e imja. Ata më kanë ndjekur kudo, më kanë dhënë shtysë, kanë besuar tek unë në çdo moment se mund të bëhesha një ditë një futbolliste e mirë. U kam premtuar se do ua rikthej të gjithë këtë besim që më kanë dhënë përgjatë gjithë këtyre viteve.

-Keni ndonjë idhull, futbollist apo futbolliste që ju motivon?

Po, idhulli im është futbollisti suedez, Zlatan Ibrahimoviç. Ai është një shembull i punës dhe sakrificës për çdo lojtar në të gjithë botën.

– Me shumë punë nga ana juaj, ia dolët që të fitonit edhe titullin ‘Këpuca e Artë’ për edicionin futbollistik 2022-2023. E lumtur dhe kujt ia dedikoni këtë arritje?

– Jam shumë e lumtur sigurisht. Është arritja ime e parë madhore në futboll dhe ia dedikoj pa diskutim familjes sime, por sigurisht edhe të gjitha shoqeve të mia të ekipit. Pa to nuk do ia kisha dalë të fitoja këtë titull të veçantë. Kanë qenë mbështetja ime në çdo ndeshje dhe çdo gol që kam shënuar.

-Sa ka ndikuar futbolli te ju, në çdo aspekt të jetës? Ju kanë parë ndryshe apo diçka tjetër?

– Sigurisht që ka ndikuar. E para, është e vështirë ta mendoj jetën time pa futbollin. Është një nga pjesët më të bukura të jetës sime, nuk e përshkruaj dot me fjalë se çfarë emocionesh kam kur zbres në fushë të luaj. Të luaj futboll ka ndikuar për mirë në jetën time, sidomos në aspektin shoqëror. Numëroj më shumë shokë e shoqe, të cilët nuk më shohin si ‘Troka futbollistja’, por si shoqe. Dhe jam shumë e lumtur për këtë gjë.

-Kohët e fundit futbolli i vajzave po merr mbështetje nga FIFA, UEFA dhe FSHF. Si e shikoni këtë?

– Është një nga iniciativat më të bukura, kryesisht nga FSHF që i vë në jetë për vendin tonë. Prej disa vitesh e ndjejmë që mbështetja për futbollin e vajzave është rritur, qoftë në aspektin financiar, por edhe në bazë materiale, në klubet tona respektive, apo edhe në ekipin kombëtar. Uroj që të vazhdojë kështu, të rritet edhe më shumë mbështetja për futbollin e vajzave dhe të kemi sa më shumë futbolliste në Shqipëri, si ‘rivale’ dhe si shoqe në radhët e ekipit kombëtar.

-Ju jeni pjesë e kombëtares shqiptare. Çfarë domethënie ka për ju? Çfarë emocionesh ju jep të luani për Shqipërinë?

– Ekipi kombëtar është një ëndërr për çdo futbollist/e. Unë tashmë e kam bërë realitet këtë ëndërr. Sa herë vesh fanellën kuqezi, emocionet janë të papërshkrueshme. Fanella më motivon të punoj më shumë dhe të ëndërroj që një ditë të kualifikohemi edhe me ekipin tonë të vajzave në Europian.

– Herën e parë te Shqipëria si e mbani mend? Çfarë ju ka bërë më shumë përshtypje atëherë? Në mos gaboj, jeni grumbulluar për herë të parë nga trajneri Grima në një miqësore në Bosnje..

– Jam grumbulluar për herë të parë me ekipin për një miqësore në Bosnje – Hercegovinë, më 9 prill 2021. Barazuam në atë ndeshje dhe trajneri Grima më besoi disa minuta në pjesën e dytë të takimit. Ka qenë një grumbullim ku kam mësuar shumë, sigurisht që edhe mbështetja e vajzave dhe të gjithë stafit kuqezi ka qenë e pakursyer.

– Në ndeshjen e fundit të Kombëtares kundër Maqedonisë së Veriut realizuat edhe një dy golësh, duke i dhënë fitoren Shqipërisë. Mund të na tregoni pak emocionet e asaj sfide?

– Jam më shumë se e lumtur që realizova një dopietë personale, por shumë më shumë se e lumtur që i dhashë fitoren Shqipërisë, paçka se ishte një miqësore. Hyra me besimin që do të shënoj në atë sfidë dhe ia dola. Falënderoj edhe trajnerin tonë që më hodhi në fushë. Do të jap gjithmonë maksimumin për Kombëtaren.

-Çfarë mesazhi i jep vajzave që u thuhet se futbolli është vetëm për djem?

– FUTBOLLI NUK ËSHTË MË VETËM PËR DJEM! Dua ta shkruaj me të madhe. Ky është mesazhi im për to. Besoni te vetja, vendosni qëllime dhe jam e sigurt që do të bëni shumë mirë. Luani futboll, përmirësoni jetën tuaj, shoqërohuni me njerëz të rinj.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

gif

Skema fantazëm/ Mashtrimi me bursat amerikane, si u përfshinë zyrtarë dhe “mbesa” e kryeministrit

Skema fantazëm/ Mashtrimi me bursat amerikane, si u përfshinë zyrtarë dhe “mbesa” e kryeministrit

Publikuar më 15.06.2024
Kristi (emri është ndryshuar, për ruajtje anonimati) një mat...

Kristi (emri është ndryshuar, për ruajtje anonimati) një maturant nga një qytet jugor i Shqipërisë po thurte ëndrra se si pas pak muajsh do të studionte falas për mjekësi në një universitet të Nju Jorkut. Një lajm i fundit në ekranin e televizionit, ia shkatërroi të gjitha. Më 6 qershor, përmes një deklarate Ambasada e SHBA-ve në […]

Lexo më shumë

Gjykata e Apelit i jep vulën e PD-së Sali Berishës, reagojnë ish-kryeministri dhe Lulzim Basha

Gjykata e Apelit i jep vulën e PD-së Sali Berishës, reagojnë ish-kryeministri dhe Lulzim Basha

Publikuar më 11.06.2024
Gjykata e Apelit i ka dhënë vulën e Partisë Demokratike ish-...

Gjykata e Apelit i ka dhënë vulën e Partisë Demokratike ish-kryeministrit Sali Berisha. Trupa gjykuese vendosi të mos pranojë ankimimin e Enkelejd Alibeajt duke lënë në fuqi vendimin e gjyqtarit Agron Zhukri. Vendimi i trupës gjykuese, i cili përbëhet nga Alma Ahmeti, Iliba Bezati dhe Elona Toro, është i formës së prerë duke i dhënë […]

Lexo më shumë

Analiza e CNN: Pse rritja e ekstremit të djathtë në zgjedhjet evropiane mund të jetë një ogur për Donald Trump

Analiza e CNN: Pse rritja e ekstremit të djathtë në zgjedhjet evropiane mund të jetë një ogur për Donald Trump

Publikuar më 11.06.2024
Në qershor 2016, Britania votoi për t’u larguar nga&nbs...

Në qershor 2016, Britania votoi për t’u larguar nga Bashkimi Evropian në një revoltë populiste që paralajmëroi fitoren tronditëse të Donald Trump në zgjedhjet e jashtme disa muaj më vonë. Tani, në qershor 2024, kandidatët e ekstremit të djathtë, shumë prej të cilëve ndajnë nacionalizmin populist të Trump, armiqësinë ndaj emigrantëve dhe përbuzjen për elitat qeverisëse dhe institucionet globaliste, […]

Lexo më shumë

Apeli cakton sot fatin e Partisë Demokratike, kush janë gjyqtarët që do të marrin vendimin për vulën e PD-së! Ja ora kur nis gjyqi

Apeli cakton sot fatin e Partisë Demokratike, kush janë gjyqtarët që do të marrin vendimin për vulën e PD-së! Ja ora kur nis gjyqi

Publikuar më 11.06.2024
Gjykata e Apelit do të shqyrtojë sot (11 Qershor) çështjen e...

Gjykata e Apelit do të shqyrtojë sot (11 Qershor) çështjen e vulës dhe siglës së Partisë Demokratike. Trupa gjykuese që do përcaktojë fatin e partisë më të madhe opozitare në vend,  përbëhet nga Alma Ahmeti, Iliba Bezati dhe Elona Toro. Seanca gjyqësore që do të përcaktojë fatin e PD-së do të nisë në orën 10:00. […]

Lexo më shumë

Një valë ekstreme gjithandej Evropës, zgjedhjet për Parlamentin Evropian dërgojnë mesazhe shqetësuese deri në Ballkan

Një valë ekstreme gjithandej Evropës, zgjedhjet për Parlamentin Evropian dërgojnë mesazhe shqetësuese deri në Ballkan

Publikuar më 10.06.2024
Nga Enver Robelli Zgjedhjet e së dielës për Parlamentin Evro...

Nga Enver Robelli Zgjedhjet e së dielës për Parlamentin Evropian treguan se nën sipërfaqen e shoqërive evropiane është duke vluar ekstremizmi në rritje. Në Francë gati çdo i treti votues ka përkrahur partinë e ekstremit të djathtë të Marine Le Pen, e cila në të kaluarën ka përfituar nga një kredi ruse. Partia e Le […]

Lexo më shumë

Fredi Beleri reagon nga burgu pasi u zgjodh eurodeputet: Ndeshja u fitua falë nderit dhe krenarisë së grekëve

Fredi Beleri reagon nga burgu pasi u zgjodh eurodeputet: Ndeshja u fitua falë nderit dhe krenarisë së grekëve

Publikuar më 10.06.2024
Shtatë parti fituan vende në Parlamentin Evropian në zgjedhj...

Shtatë parti fituan vende në Parlamentin Evropian në zgjedhjet e së dielës, të cilat treguan fitime të konsiderueshme për partitë e ekstremit të djathtë të Greqisë, sipas rezultateve zyrtare të publikuara të hënën. Partia Demokracia e Re e kryeministrit Kyriakos Mitsotakis siguroi 28.31% të votave, duke fituar shtatë vende në Parlamentin Evropian. Fredi Beleri u […]

Lexo më shumë

Vrasja e recepsionistit në hotelin në Dhërmi, gjykata jep vendimin për dy bashkëpunëtorët e Gerald Shehut! Dëshmia: U kërcënuam

Vrasja e recepsionistit në hotelin në Dhërmi, gjykata jep vendimin për dy bashkëpunëtorët e Gerald Shehut! Dëshmia: U kërcënuam

Publikuar më 09.06.2024
Dy punonjësit e hotelit në Dhërmi, ku u vra dhe më pas u hod...

Dy punonjësit e hotelit në Dhërmi, ku u vra dhe më pas u hodh në një gurore Eraldo Nevruzi janë lënë në burg. Gjykata e Vlorës vlerësoi të ligjshëm arrestimin e Daniel Qoses 33 vjeç dhe David Lart 30 vjeç, të cilët dyshohet se ndihmuan autorin e krimit, Gerald Shehu të fsheh provat. Punonjësit akuzohen […]

Lexo më shumë

Kombëtarja mbërrin në Dusseldorf, e para skuadër finaliste në “Euro 2024” që shkel në tokën gjermane

Kombëtarja mbërrin në Dusseldorf, e para skuadër finaliste në “Euro 2024” që shkel në tokën gjermane

Publikuar më 08.06.2024
Kombëtarja shqiptare ka mbërritur në tokën gjermane. Kuqezin...

Kombëtarja shqiptare ka mbërritur në tokën gjermane. Kuqezinjtë udhëtuan pasditen e sotme nga Grac-i i Austrisë drejt Dusseldorfit, duke u bërë e para skuadër finaliste e Europianit që zbarkon në Gjermani. Menjëherë sapo mbërritën në aeroportin e Dusseldorfit, kuqezinjtë u pritën në një atmosferë fantastike. Ambadadorja e Shqipërisë në Gjermani, Adia Sakiqi, zyrtarë të UEFA-s, […]

Lexo më shumë
car rental tirana real estate saranda