Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Në komisionin e Ekonomisë është miratuar sot projektligji për rritjen e pagave për institucionet kushtetuese. Projektligji i sjellë nga qeveria nxiti debat tek komisioni, pasi deputetët kërkojnë rritje pagës së tyre.
Sipas parashikimit të qeverisë, në këtë fazë rritja e pagave nuk prekte politikanët, pra ministrat, kryeministrin dhe deputetët. Nga qeveria ishte propozuar që të ruhej e njëjta pagë, dhe sot qeveria mbajti të njëjtin qëndrin, që deputetët dhe ministrat të kenë rritje në një fazë tjetër. Por deputetët e komisionit të ekonomisë edhe me propozim të deputetëve të komisionit të ligjeve propozuan dhe miratuan rritjen e pagës së deputetëve duke ruajtur hierarkinë me koeficiente 0.73.
Në këtë fazë, u rritet paga vetëm administratës dhe vihet në zbatim vendimi i Gjykatës Kushtetuese të Shqipërisë, që u vu në lëvizje pas kërkesës së magjistratëve për respektimin e hierarkisë së pagave në republikën e Shqipërisë, ku sipas procedurës, presidenti ka rrogën më të lartë.
Ndryshimet ligjore të propozuara nga qeveria që parashikojnë rritjen e pagës së Presidentit nga 257 000 lekë në muaj në 425 000 lekë në muaj, çka reflektohet me rritje page në të gjithë hierarkinë e institucioneve të pavarura kushtetuese, do të shqyrtohet nga kuvendi pas zgjedhjeve lokale të 14 majit. Vendimi u mor të martën në Komisionin Ekonomisë.
Me rritjen e re që parashikohet me koeficientin 0.75 për ministrat, paga që rezulton në 228 730 lekë do të shkojë në rreth 318 mijë lekë bruto.
Aktualisht paga e deputetit që deri më sot rezulton 156 770 do të rritet në 310 mijë lekë. Ndërkohë, paga e kryeministrit dhe kryetarit të kuvendit shkon rreth 395 mijë lekë.
Krahasuar me projektligjin që kishte propozuar qeveria për rritjen e pagave dhe me atë që është miratuar ditën e sotme në Komisionin e Ekonomisë, paga e tyre është rritur me rreth 100 mijë lekë më shumë për institucionet kryesore. Ky projekligj do të kalojë në Kuvend dhe nëse do të miratohet, do të rritet edhe paga e tyre.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
