Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Tenori Josif Gjipali ka reaguar një ditë pas deklaratës së sopranos Ermonela Jaho.
Jaho u shpreh tejet e zhgënjyer lidhur me mungesën në sallën ku do jepte kurs, të pedagogëve e studentëve të arteve.
Ajo theksoi se nuk ka ardhur në Shqipëri për të luftuar askënd po për të ndarë përvojën e saj, teksa aludonte se mungesa e studentëve në kurs mund të ketë të bëjë me presionin e pedagogëve.
Në reagim tenori Gjipali shkruan se nuk ka nevojë të ndjekë asnjë kurs ‘mastër class’ për të mësuar të këndojë.
Ai shton se asnjë nga kolegët e tij nuk e mëson dot të këndojë më mirë se profesorët e huaj, ndërsa thekson se askush nuk duhet t’u qajë hallin studentëve të arteve.
“Unë jam pjesë e stafit të pedagogëve të kantos në Universitetin e Arteve. Unë nuk kam nevojë të shkoj në asnjë master class pasi Attilen ma ka mësuar Riccardo Muti, Rigoletto e Don Carlo mi ka mesuar Zubin Mehta.
I due Foscari sapo ma mësoi në Genova Renato Palumbo. Nuk besoj se ndonjë nga koleget e mi pa ju hequr asnjë vlerë si interpretues mund të mi mësojë më mire.
Uroj hienat që nxitojnë të komentojnë në ndonjë deklaratë që shpresoj të ketë qenë e nxituar në inat e sipër të jetë më e kursyer.
Studentët e Universitetit të Arteve kanë qenë të zotët të këndojnë, të mos ua qaj njeri hallin.
Dy prej tyre sapo fituan në Spoleto, ku isha si anëtar jurie mes sa e sa konkurrentëve të drejtën e bursës.
Jetë të lumtur e pa mllefe ju uroj të gjithëve”, shkruan Gjipali.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
.jpg)
