![](https://shekulli.com.al/admin/wp-content/uploads/2023/03/1-10.png)
Një zjarr i madh në orët e mëngjesit ka përfshirë një objekt në Pejë. Siç mëson Telegrafi bëhet fjalë për objektin ish Zastava, fabrika e auto-pjesëve, tani që është ELKOS Center, në Pejë.
Zëdhënësi i Policisë së Kosovës, për rajonin e Pejës, Fadil Gashi tha:
“Një depo prapa kompanisë së ELKOS-it është përfshirë nga zjarri, mirëpo ende nuk dihet nëse ka persona të lënduar. Në vend ngjarje kanë dalë policia dhe zjarrfikësit. Ende asgjë nuk dimë nëse ka persona të lënduar”.
![](https://telegrafi.com/wp-content/uploads/2023/03/2-59.jpg)
![](https://telegrafi.com/wp-content/uploads/2023/03/1-263.jpg)
![](https://telegrafi.com/wp-content/uploads/2023/03/peje-2-e1679733811416.jpg)
![](https://telegrafi.com/wp-content/uploads/2023/03/peje-1.jpg)
Tetë persona kanë kërkuar trajtim mjekësor në emergjencën e Spitalit të Pejës, për shkak të zjarrit të madh në depot dhe qendrën tregtare ELKOS Center në Pejë.
Kështu kanë bërë të ditur nga Spitali i Pejës përmes një statusi në rrjetin social në Facebook.
Sipas njoftimit, pacientët janë duke u trajtuar dhe gjendja e tyre është stabile dhe jashtë rrezikut për jetë dhe janë raste kryesisht të helmuar nga tymi.
“Në Spitalin e Përgjithshëm në Pejë deri më tani janë duke u trajtuar 8 pacientë nga rasti i djegies së një objekti në Pejë.
Pacientët janë duke u trajtuar tek Spitali ynë dhe gjendja e tyre është stabile dhe jashtë rrezikut për jetë dhe janë raste kryesisht të helmuar nga tymi”, thuhet në njoftim
Ramiz Kelmendi, pronar i objektit i cili u përfshi nga zjarri në Pejë, është deklaruar në lidhje me incidentin.
Ai në një prononcim për Klankosova ka thënë se flakët e përfshinë depon rreth orës 8 të së shtunës dhe se kohën e incidentit nuk ndodhej askush brenda.
“Zjarri e ka përfshirë depon sot rreth orës 8 të mëngjesit. Asnjë punëtor nuk ka qenë në objekt në momentin që ka ndodhur zjarri. Zjarri është ende aktiv dhe zjarrfikësit janë duke u munduar ta shuajnë. Ky zjarr ka shkaktuar dëme të konsiderueshme materiale”, ka thënë Kelmendi.
![](https://telegrafi.com/wp-content/uploads/2023/03/2-60.jpg)
Zëdhënësi i Policia e Kosovës për rajonin e Pejës, Fadil Gashi në një deklaratë për Telegrafin tha se zjarrfikësit po bëjnë maksimumin që zjarrin ta vënë në kontroll.
Ndërkaq, nga Spitali i Pejës kanë bërë të ditur se tetë persona kanë kërkuar ndihmë për shkak të helmimit nga tymi.
![](https://telegrafi.com/wp-content/uploads/2023/03/4-28.jpg)
E pronari Ramiz Kelmendi në një deklaratë për Telegrafin tha se ende nuk dihet prej çka është shkaktuar zjarri.
![](https://telegrafi.com/wp-content/uploads/2023/03/1-264.jpg)
![](https://telegrafi.com/wp-content/uploads/2023/03/5-22.jpg)
![](https://telegrafi.com/wp-content/uploads/2023/03/6-19.jpg)
![](https://telegrafi.com/wp-content/uploads/2023/03/7-12.jpg)
![](https://telegrafi.com/wp-content/uploads/2023/03/8-13.jpg)
![](https://telegrafi.com/wp-content/uploads/2023/03/333576492_226978009864831_6165109054343346172_n.jpg)
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/