Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Identifikohet dhe shoqërohet në komisariatin e policisë, shtetasi Aleks Vishaj, i cili postoi pak ditë më parë një video në rrjetin social “TikTok” duke ecur me makinë në një shpejtësi prej 307km/h.
I riu është gjobitur nga policia me 100 mijë lekë të reja. Gjithashtu policia i ka bllokuar mjetin tip “Lamborghini” me të cilin udhëtonte.
I riu postoi në rrjetin e tij social një video ku shihej teksa udhëtonte në tunelin e Kalimashit me një shpejtësi më shumë se 300Km/h.
Videoja e tij u bë virale pak ditë pas aksidentit tragjik ku humbën jetën 3 persona tek rrethrrotullimi i TEG-ut.
Shkak i aksidentit të rëndë u bë shpejtësia tej normave të lejuara.
Njoftimi i policisë:
Qarkulloi me shpejtësi 305km/h, në tunelin e Kalimashit, Policia Rrugore e Tiranës identifikon dhe bllokon automjetin “Lamborghini”.
Shoqërohet në Komisariatin Rajonal të Policisë Rrugore Tiranë, drejtuesi i automjetit, shtetasi A. V.
Pas publikimit në rrjetet sociale, të një videoje në të cilën shfaqej një automjet që qarkullonte me shpejtësi 305 km/h, Policia Rrugore e Tiranës ka intensifikuar punën për identifikimin e automjetit dhe të drejtuesit të tij. Në bazë të pamjeve filmike të siguruara, është identifikuar dhe ndaluar automjeti tip “Lamborghini” me drejtues shtetasin A. V., të cilin e Policia e ka shoqëruar në Komisariat.
Ndaj drejtuesit të automjetit u mor masë administrative 100 000 lekë të rinj.
Policia Rrugore e Tiranës apelon për drejtuesit e automjeteve që të zbatojnë me rigorozitet rregullat e qarkullimit rrugor dhe apelon gjithashtu për ndalimin e publikimeve që kanë karakter joedukativ për sigurinë rrugore.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.gif)
