Zaev: Jam i shqetësuar për stabilitetin e Ballkanit Perëndimor

Zoran Zaev, Kryeministri i Maqedonisë së Veriut, në një intervistë të dhënë për “New York Times“, ka theksuar se bllokimi i zgjerimit të BE-së mund të shkaktojë ndryshime dramatike në rajon.

“Deri para dy muajsh, lideri i Maqedonisë së Veriut u gjend në listën e kandidatëve për Çmimin Nobel për Paqe, shkruan gazeta “New York Times”.

Kryeministri Zoran Zaev ka investuar karrierën e tij politike dhe të ardhmen e vendit të tij në zgjidhjen e një mosmarrëveshje tre dekadash me Greqinë fqinje për emrin e këtij vendi. Me ndihmën e punës së palodhur dhe përtej pritjeve, ai pati sukses. Por, ulur para zyrës së tij në Shkup, gjithçka duket e largët.

“Po thyhem nga brenda”, tha Zaev për “New York Times”, raporton INA.

Gazeta shkruan se pritej që ndryshimi i emrit të hapte rrugën e pranimit të Maqedonisë së Veriut në BE, por Franca vuri veton ndaj vendimit muajin e kaluar, duke kërkuar reforma në procesin e pranimit. Zaev tha se kjo e ka shkatërruar personalisht, psikologjikisht, ku shtoi se ai është i shqetësuar jo vetëm për veten dhe vendin, por edhe për tërë stabilitetin e Ballkanit Perëndimor.

“Nacionalizmi dhe radikalizmi mund të rriten përsëri. Ekziston rrezik nga konflikti në vetë shtetet, por edhe në mes shteteve”, tha Zaev.

Leave a Reply

Your email address will not be published. Required fields are marked *

Të tjera

Abissnet