Vrasja në Mat, polica jep detajet e para. Ja çfarë ka ndodhur

Pas ngjarjes së rëndë të ndodhur në Mat, ka ardhur dhe reagimi i parë i policisë ku jep detajet e para rreth ngjarjes, ku mbeti i vrarë një person dhe u plagosën 3 të tjerë.

Sipas burimeve zyrtare, mësohet se, policia e Komisariatit Mat u informua se në fshatin Shëlli, njësia administrative Macukull janë dëgjuar të shtëna arme.

Paraprakisht dyshohet se shtetasi Kujtim Koxha 51 vjeç, pas një konflikti për motive të dobëta ka qëlluar me armë zjarri drejt disa personave, në një lokal.

Për pasojë ka humbur jetën shtetasi Mentor Hoxha, si dhe kanë mbetur të plagosur shtetasit A. H.,  Erzen Alija, dhe H. Buçi.

Shtetasit E. A. dhe H. B. janë dërguar në drejtim të Tiranës për ndihmë më të specializuar.

Nga veprimet paraprake rezulton se këta persona po punonin për hapjen e një rruge në këtë fshat.

Dyshohet se autori është konfliktuar më parë me punonjësit e Bashkisë dhe më pas është larguar e ka marrë armën automatik dhe ka qëlluar në drejtim të tyre, në një lokal.

Në vendngjarje është sekuestruar arma e zjarrit.

Është ngritur një grup i posaçëm hetimi me ekspert të Policisë nga Drejtoria Vendore e Policisë Dibër, të cilët po hetojnë këtë ngjarje.

Grupi hetimor gjithashtu ndodhet në vendin e ngjarjes si dhe po sekuestron çdo provë që lidhet me këtë ngjarje. Forca të shumta policore janë në ndjekje të autorit.

Leave a Reply

Your email address will not be published. Required fields are marked *

Të tjera

Abissnet