U kap në Maqedoninë e Veriut, kamioni me 1.3 tonë kokainë kaloi në Shqipëri

Në Maqedoninë e Veriut është kapur sot një sasi rekord kokaine në fshatin Krushopek të Komunës së Sarajit,  pas një aksioni të gjerë policor.

Informacionet e para nxorën se kokaina fillimisht ka ardhur nga Amerika në Bar (Mal i Zi) e duhej të përfundonte në Koper (Slloveni).

Por nga informacionet e fundit zbulohet se droga që qarkullonte në një kamion bananesh, ka hyrë dje në pikën e kalimit kufitar të Hanit të Hotit në Shkodër dhe ka dalë sot nga Qafë Thana. Të paktën kjo konfirmohet nga SPAK.

Burimet nga ky institucion thanë se ishte e planifikuar që kamioni të lejohej të kalonte, pasi ishte kërkesë e DEA-s amerikane dhe policisë italiane, të cilët kishin disa ditë që po hetonin.

Kamioni u kap në një magazinë frutash në Krushopek, ku u arrestuan dy shoferë dhe një magazinier, identiteti i të cilëve nuk bëhet i ditur. Mësohet se kokaina ishte nisur nga Amerika Latine deri në Bar të Malit të Zi dhe kishte destinacion final Slloveninë.

 

 

 

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet