Mbrojtësi i Shqipërisë prezantohet në Spanjë

Publikuar më 12.08.2019 nga E. Shkëmbi

I mbetur pa ekip pas largimit nga Metz-i në Francë, mbrojtësi i përfaqësueses së Shqipërisë, Ivan Balliu nga sot nis një aventurë të re, në një tjetër kampionat. Futbollisti shqiptar ka nënshkruar dhe është prezantuar sot te skuadra e tij e re, UD Almeria, në La Liga 2 të Spanjës.

View this post on Instagram

Mucha ilusión en este nuevo reto! Gracias @udalmeria y @turkialalshik por la confianza! Ahora a trabajar para lograr los objetivos! #vamos #udalmeria

A post shared by Balliu (@balliu) on Aug 12, 2019 at 11:08am PDT

Nënshkrimi dhe prezantimi i mbrojtësit të djathtë, Balliu është bërë publik nga klubi dhe nga vetë futbollisti përmes rrjeteve sociale. “Mirësevjen Ivan Balliu! Balliu luan në krahun e djathtë të mbrojtjes dhe vjen nga FC Metz. Ai nënshkroi një kontratë për 2 sezone + 1 tjetër opsional”, njofton klubi spanjoll.

Vamos @U_D_Almeria ! Gracias por la confianza! Ahora a por los objetivos! Thanks @Turki_alalshikh ! ⚪️🔴 pic.twitter.com/3qOkn1cnrK

— Ivan Balliu Campeny (@ivan_balliu) August 12, 2019

Ndërkohë 27-vjeçari Balliu, pas largimit nga Metz ishte përfolur edhe si një kandidat potencial për tu bashkuar me skuadrën e West Bromwich Albion që garon në Championship, liga e dytë e Anglisë, por një nga kampionatet më të fortë të Europës. Tashmë Ballliu do të ndeshet në La Liga 2 kundër dy futbollistëve të tjerë kuqezi, Rey Manaj dhe Keidi Bare. /Telesport/