Katër shpjegime pse të gjithë duan të bëhen deputetë
Katër shpjegime pse të gjithë duan të bëhen deputetë
Publikuar më 18.01.2021
Afrim Krasniqi Gjatë muajve të verës PD në opozitë nisi një ...
Kur avokatja e Bashës mbron krimin e Ramës te Teatri Kombëtar
Arben Rrozhani
Në 32 faqet e raportit të Avokatit të Popullit për shembjen banditeske të kompleksit të Teatrit Kombëtar, natën e 17 majit, dhe dhunën ndaj civilëve që pasoi aktin barbar, nuk gjen të përmendur në asnjë radhë fjalët “qeveri’, “bashki”, “Rama”, ‘Veliaj”, ndërsa fjala “terror” është fshehur, e përmendur vetëm një herë, në mes të faqes 19-të.
Edhe avokati i Ramës nuk do ta kishte qëndisur më bukur, se sa Avokati i Popullit, Erinda Ballanca, që historikisht njihet si avokatja e Lulzim Bashës dhe e PD-së.
Duke u shprehur me tonet frikësuese dhe paralajmëruese të Silva Binos së Institutit të Shëndetit Publik, meraku më i madh Ballancës për aktin barbar dhe banditesk të shkatërrimit të Teatrit paska qenë mosmbajtja e distancës deri në 2 metra nga Policia e Shtetit, duke u bërë burim për përhapjen e virusit.
Nuk paska asnjë vlerë çuarja e tyre që në mesnatë si hordhi, përdorimi i tyre të armatosur deri në dhëmbë me armë automatike, kapuçë, armë brezi dhe pa numër identifikimi kundër qindra aktivstëve dhe qytetarëve që u shkelën, u poshtëruan, prangosën, dhunuan në rrugë, furgonë dhe komisariate, vetëm pse ishin kundër shkatërrimit të një monumenti të kujtesës sonë artistike dhe kulturore, që u rrafshua për t’i hapur rrugën projektit korruptiv të një teatri-bunker që do të mbajë mbi shpinë 7 kulla.
Nata dhe dita e errët e 17 majit, në kulmin e pandemisë, ishte një njollë turpi për Shqipërinë, ndërsa qeveria, bashkia e Tiranës dhe Policia e Shtetit, e ka ngrënë turpin me bukë, me kohë e vakt.
Të rekomandosh “marrjen e masave organizative dhe financiare” pse 449 policë të mbështetur nga qindra të tjerë lloj-lloj forcash dhe rrobash, nuk kishin numër identifikimi, do të thotë të lash m***tin me sh***rrë, kur i madh e i vogël e mori vesh se ata nuk ishin aty për të përfaqësuar dhe mbrojtur shtetin ligjor, por një biznes të paligjshëm dhe korruptiv.
Por një raport i tillë duhej bërë, se kështu e do puna, edhe pse 6 muaj pas asaj nate të zezë dhe shkruar e zeza mbi të bardhë se Avokati i Popullit është një zonjë që kishte apartamente te pallati mbi det i Lulzim Bashës që Rama ia hodhi në erë me tritol 7 vite më parë, dhe ia dha dëmshpërblimin me paratë tona, në Gjykatën e Strasburgut. Ajo e ka marrë pjesën e vet dhe tani, nga kolltuku i Avokatit të Popullit, luan rolin e avokates së Bashës që bën avokatinë e krimeve të Ramës dhe Veliajt.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
Loading ...
Leave a Reply