×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Emin Azemi: Një përgjigje për Edi Ramën dhe bashkëmendimtarët e tij

Emin Azemi

Raportet e mira ose të këqia me Serbinë, z. Rama, testohen në Kosovë. Nesër mund të mos jetë Vuçiç kryetar i Serbisë, por në Tiranë duhet të mbetet i pandryshuar përceptimi politik e kombëtar se pa tejkalimin e problemeve Kosovë-Serbi nuk mund të ketë edhe raporte normale Shqipëri-Serbi. Gjithsesi Shqipërisë i nevojiten marrëdhënie të shkëlqyera me Serbinë dhe gjithë fqinjët e saj, por kjo është e mundur vetëm atëherë kur miku juaj Vuçiç dhe aparati i tij shtetëror të çlirohet nga fantazma mbi “Kosovën djep i Serbisë”.

Ju z. Rama keni bërë shumë mirë që nuk keni rënë në grackat që prodhon kjo fantazmë, duke e shpallur Kosovën pjesë e projektit “Shqipëria e Madhe”, sepse ju jeni më i zgjuar se Vuçiç. Vetëm nuk e kemi të qartë se pse i jepni atij aq shumë peshë në jetën tuaj të çmuar, pasi që ëndrra juaj për një Shqipëri evropiane shkon përtej perdeve mesjetare të Vuçiçi, i cili ende mundohet ta mbaj Kosovën dhunshëm brenda teatrit të tij të absurdit.

Politika zyrtare e Tiranës kundrejt Serbisë i ka specifikat e saja dhe do të ishte e padrejtë mos ta kuptojmë në parim pozicionin e saj të palakmueshëm për shkak të faktorit Kosovë, por ama, duhet të flaket njëherë e përgjithmonë bindja e gabuar se përmes një Kosove të nënshtruar mund të projektohen politika dinjitoze kundrejt Beogradit. Sepse çdo distancë në mes Tiranës dhe Beogradit kalon nëpër radarët e Kosovës.

Në mendësinë akademike, kishtare e politike serbe, z. Rama, çështja e Kosovës është ende e hapur dhe gjithë ata që tentojnë ta mbyllin atë konsiderohen si armiq të kauzës serbe.

Pra, nëse Kosova qenka një çështje e hapur në mendësinë nacionaliste serbe, atëherë ju ende nuk keni dhënë një përgjigje inteligjente se si do të mundej projekti  juaj  ‘OPEN BALLKAN’, ta tejkalojë jazin e thellë brenda shoqërisë serbe sa i përket Kosovës. Ende, ju z. Rama, nuk na keni dhënë një përgjigje inteligjente se si miku juaj Vuçiç do të arrijë t’i bindë akademikët, priftërinjë, gazetarët dhe ushtarakët serbë se Kosova tash e tutje do të trajtohet dinjitetshëm në kuadër të projektit tuaj ‘OPEN BALKAN’.
A besoni ju z. Rama se ‘OPEN BALKAN’ do të duhej të jetë arsyeja kryesore për t’iu besuar kaq shumë serbëve, në kohën kur këta të fundit Kosovën ende e shohin në dylbitë e kullave ushtarake të vrojtimit. Asgjë pozitive nuk ka ndyrshuar në shoqërinë serbe z. Rama, për t’u ndjerë kaq komod me Vuçiçin kur ai llogarit në mbështetjen tuaj për një projekt që ose është zëvendësim i Procesit të Berlinit, ose është zgjatim i fshehur i një  nisme tjetër Euro-Aziatike, ku Rusia e ka fjalën kryesore.

Opinioni publik në Kosovë, ku bëj pjesë edhe unë z. Rama, kemi frikë se sinqeritetin tuaj prej politikani mendjehapur mund ta keqpërdorin projektuesit e Ballkanit të hapur, të cilët nuk po bëjnë asgjë pos që po kërkojnë aleat për t’iu bashkangjitur një ideje të vjetër “Ballkani ballkanasve” që burimin e ka në jehonën e krismave të Sarajevës ku falanga antiveropiane serbe vrau Princin Ferdinand të Austrohungarisë.
Si artist, me shije fine dhe me talentin e rrallë të oratorisë së trashëguar nga shkolla e Nolit e Konicës, nuk besojmë se ju z. Rama do të donit që idetë tuaja politike t’i shartoni në një projekt që rrënjët i ka qysh në tymnajën serbe të hallakamve ballkanike ku luftërat u nisën jo për më shumë altruizëm njerëzor, por për më shumë burgje për popujt josllavë.

Mirosllav Kërlezha, një shkrimtar i shquar kroat asnjëherë nuk e imagjinonte Ballkanin si një mejhane ku temjani mesjetar serb do të dominonte frymën e bashkëjetesës midis popujve, prandaj nuk besojmë se ju jeni aq naiv të mos e dini se serbët asnjëherë nuk të ftojnë të merrni pjesë në ndonjë projekt ku do të përllogariteshin në detaje efektet e ftohjes së raporteve Shqipëri-Kosovë.

Ne i njohim më mirë se ju serbët, z. Rama, andaj mos u mundoni të na bindni se sa engjëllorë janë ata, për arsye se politika e Vuçiçit e ka mbytyr në palcë frymën solidare të shoqërisë serbe dhe tash neve nuk na mbetet asgjë tjetër pos të ujisim pemët e iluzioneve me ujin e distiluar që vjen nga kanalet e mendimit të pavarur serb, ku dora e Vuçiçit ende nuk po arrin të turbullojë mendjet e ndritura të Latinka Peroviçit, Sonja Biserkos, Natash Kandiç, Çedomir Petroviçit etj. Meqë ra fjala, pse z. Rama nuk po i angazhoni bashkëmendimtarët tuaj në jetën publike të Shqipërisë që t’i ftoni në Tiranë këta opozitarë të mendimit antiVuçiç, sepse vetëm ata dinë ta zbërthejnë djallëzinë politike të Beogradit mbi Kosovën dhe shqiptarët. Kur t’i dëgjoni argumentet e tyre, do të bindeni z. Rama, se ideja e “Ballkanit të hapur” (apo Schengeni ballkanik), siç e tha Sonja Biserko, nuk është e konkretizuar dhe i shërben Aleksandar Vuçiçit si mbulesë, sepse ai me sa duket ndodhet në situatë të pakëndshme.

Gjermania, sipas Biserkos, nuk e përkrah idenë e Schengenit ballkanik, sepse është iniciuar pa u konsultuar me Berlinin dhe Brukselin, po ashtu Gjermania e përkrah bashkëpunimin rajonal në kuadër të Procesit të Berlinit.

Biserko gjithashtu tha z. Rama se Mali i Zi, Kosova dhe Bosnja janë të vetëdijshme se “Ballkani i hapur” është versioni i ri i “botës serbe”, gjë që, sipas saj, në thelb më së shumti i konvenon Serbisë, e cila kësisoj do të rrumbullakonte hapësirën ekonomike.

Pra, Sonja Biserko z. Rama nuk i takoin ushtrisë digjitale, ashtu siç nuk i takoj edhe unë, prandaj bëhuni më korrekt me kritikuesit tuaj dhe nuk keni nevojë ta imitoni Vuçiçin në betejat e tij absurde me jobashkëmendimtarët  në media dhe në universitete, sepse ju  i keni disa avantazhe intelektuale e qytetare që ju bëjnë të ndryshëm nga Vuçiçi.
Ajo çka ju bën të ndryshëm nga Vuçiç, z. Rama, është edhe guximi juaj politik e intelektual për t’u shprehur hapur për çështje që ju i konsideroni të drejta, por Kosova dhe ne që kemi një mendim ndryshe nga ju për projektin Ballkani i Hapur, nuk do të donim që  nipat dhe mbesat tona nesër të lexojnë në kujtimet tuaja se si Vuçiç kishte punuar prapa shpinës suaj për t’iu futur në një perojekt që, sipas Sonja Biserkos ishte versioni i ri i “botës serbe”.
Prandaj, z. Rama, ende keni kohë të mos gaboni në arkivimin e kujtesës, sidomos në ato skeda ku mund të futet pahetueshëm krimbi i mossinqeritetit në raport me Kosovën, e cila, megjithatë nuk është një “shtet tjetër” prapa Bjeshkëve të Nemura, por një peng i ëndrrave tona të përbashkëta që mbetën nën hijen e proceseve eurointegruese, ku Kosova edhe me ndihmën tuaj mund t’i tejkalojë më lehtë sfidat e këtij procesi, duke filluar që nga liberalizimi i lëvizjeve pa viza e deri te faza finale e anëtarësimit në BE.

Albin Kurtin mund ta përjetoni edhe si kundërshtar të ideve e projekteve, z. Rama, por Kosova tejkalon kornizat e ngushta të manovrave politike që ju politikanët nganjeherë dini t’i luani. Shqipëria dhe Kosova kanë kaluar nëpër një process shumë të gjatë të ngjizjes së ideve përbashkuese, andaj na duket absurd z. Rama që ju dhe Albin Kurti të mos gjeni forcën e duhur morale e politike për të bërë atë që e pret çdo shqiptar i sinqertë: që projekte dhe nismat rajonale të mos lancohen në publik para se të bëhet një kuvendim brenda kombëtar i politikanëve shqiptarë.

Si do t’iu tingëllonte në vesh dhe në zemër z. Rama, nëse nesër ndonjë politikan nga Prishtina merr pjesë, në ndonjë  nismë rajonale, bie fjala,  të Detit Jon, ku pjesë të caktuara të Jugut të Shqipërisë të do të integroheshin në atë nismë dhe ju të informoheshit për të përmes televizionit. Çka do të thoshit, si do të silleshit dhe me çfarë disponimi shpirtëror do ta ndiqnit në media z. Rama përqafimin e një udhëheqësi të Kosovës me ndonjë politikan të rëndësishëm të Greqisë.

A do t’i merrnit si të mirëqena pikëpamjet e udhëheqësit nga Kosova, i cili kritikuesit e një nisme të tillë rajonale-jonianen do t’i kualifikonte si “ushtria digjitale e kinse patriotëve matanë kufirit” , ose “luli” i kinse patriotizmit digjital”.

Debati mbi çështjet tona të përbashkëta nuk përfundon këtu z. Rama, por do të duhej të mbyllet një sherr që ne pa hetueshëm po bëhemi pre e tij, duke i bërë edhe një argatë Vuçiçit, i cili që tani po e përgatit strategjinë e vjetër sllave për përçarjen e shqiptarëve, që do të fillojë me disa konflikte sporadike të serbëve dhe kosovarëve në verën e ardhshme përgjatë brigjeve shqiptare të Adriatikut dhe do të përfundojë me blerjen  masovike të pronave bregdetare, ku nuk do të kursehen as paratë ruse.

Për të mos ardhur deri te kjo, atëherë z. Rama, hiqni dorë nga projekti ‘OPEN BALLKAN’.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

E reja nga Gjirokastra mbyll në çmendinë të ëmën për ti marrë shtëpinë!

E reja nga Gjirokastra mbyll në çmendinë të ëmën për ti marrë shtëpinë!

Publikuar më 25.10.2021
Emisioni “Stop” mbrëmjen e sotme ka publikuar historinë e Kr...

Emisioni “Stop” mbrëmjen e sotme ka publikuar historinë e Krisanthi Kore nga Gjirokastra. Krisanthi Kore, 76 vjeçe, denoncon se si është burgosur dhe dërguar në çmendinë nga vajza e saj me ndihmën e policisë, prokurorisë dhe gjykatës Gjirokastër, vetëm për t’i marrë pronën të moshuarës. E moshuara  tregon problemet nisë në vitin 2007 pasi i […]

Lexo më shumë

FOTO/ Pamje që na kishin munguar, tifozët “djegin” stadiumin sapo starton derbi

FOTO/ Pamje që na kishin munguar, tifozët “djegin” stadiumin sapo starton derbi

Publikuar më 25.10.2021
Tifozët e Tiranës dhe Partizanit kanë pritur që të startojë ...

Tifozët e Tiranës dhe Partizanit kanë pritur që të startojë sfida, për të treguar se sa i kishte munguar ky derbi qytetit. Menjëherë flakadanë kanë pushtuar fushën e blertë duke prodhur një atmosferë elektrizuese në stadium. Retë e tymit kanë mbuluar fushën dukë bërë që ndeshja të ndërpritet për disa minuta, por më pas nisi […]

Lexo më shumë

U vranë për tokën, si ndodhi krimi i dyfishtë në Vlorë, fqinjët të tronditur: Dëgjuam ulërima! Djali ishte i pamartuar, xhaxhai rrinte në qytet!

U vranë për tokën, si ndodhi krimi i dyfishtë në Vlorë, fqinjët të tronditur: Dëgjuam ulërima! Djali ishte i pamartuar, xhaxhai rrinte në qytet!

Publikuar më 25.10.2021
Të tjera detaje dalin në dritë nga krimi i dyfishtë brenda f...

Të tjera detaje dalin në dritë nga krimi i dyfishtë brenda familjes në Vlorë, ku nipi 39-vjeçar Genci Koreta ka vrarë xhaxhanë e tij, Jorgji Koreta, 64-vjeç. “Nuk di gjë fare çfarë ka ndodhur, në televizor po e dëgjojmë. I njohim të dy, më vjen keq për djalin, i pamartuar, është gati 40 vjeç”, u […]

Lexo më shumë

Aksident në Lezhë, makina del nga rruga dhe përfundon në kanal, plagosen dy persona

Aksident në Lezhë, makina del nga rruga dhe përfundon në kanal, plagosen dy persona

Publikuar më 25.10.2021
Dy persona kanë mbetur të plagosur si pasojë e një aksidenti...

Dy persona kanë mbetur të plagosur si pasojë e një aksidentit. Ngjarja ndodhi në rrugën Lezhë-Shkodër, në lagjen e ish frutores dhe sipas informacioneve paraprake makina doli nga rruga. Të plagosurit ndodhen ne spitalin rajonal të Lezhës. Ndërsa policia ka nisur hetimet për zbardhjen e shkaqeve te këtij aksidenti.

Lexo më shumë

Krim brenda familjes në Vlorë, nipi vret xhaxhanë dhe më pas veten

Krim brenda familjes në Vlorë, nipi vret xhaxhanë dhe më pas veten

Publikuar më 25.10.2021
Të shtëna me armë janë regjistruar mbrëmjen e së hënës në Vl...

Të shtëna me armë janë regjistruar mbrëmjen e së hënës në Vlorë. Paraprakisht mësohet se bëhet fjalë për dy viktima. Krimi ka ndodhur brenda një familjeje, fshatin Llakatund. Nga të dhënat e para, bëhet e ditur se nipi dyshohet të ketë vrarë xhaxhanë dhe më pas edhe veten e tij. NJOFTIMI I POLICISE Në fshatin […]

Lexo më shumë

Protesta të dhunshme dhe kimikate në qendër të Athinës për 20-vjeçarin rom të vdekur (Video+Foto)

Protesta të dhunshme dhe kimikate në qendër të Athinës për 20-vjeçarin rom të vdekur (Video+Foto)

Publikuar më 25.10.2021
Rreth 1000 protestues nga organizatat e majta jashtëparlamen...

Rreth 1000 protestues nga organizatat e majta jashtëparlamentare marshuan në qendër të Athinës duke mbajtur një pankartë ku shkruhej “policia vret”. Policia i kishte nën vëzhgim të kujdesshëm ndërsa marshimi drejtohej drejt Parlamentit. Në Stadiou, shpërthyen përleshje mes policisë dhe protestuesve, ku të parët përdorën edhe kimikate.

Lexo më shumë

Helmimi në Krujë, reagon policia: 35 persona kanë shkuar në spital, presim përgjigjet e analizave!

Helmimi në Krujë, reagon policia: 35 persona kanë shkuar në spital, presim përgjigjet e analizave!

Publikuar më 25.10.2021
Policia e Krujës, pas marrjes së njoftimit mesditën e sotme,...

Policia e Krujës, pas marrjes së njoftimit mesditën e sotme, nga urgjenca e Spitalit të Krujës, se dy ditët e fundit kanë shkuar për ndihmë mjekësore, rreth 35 shtetas, të cilët dyshohet se janë helmuar, menjëherë ka ngritur grupin hetimor, i cili ka shkuar në spitalin e Krujës dhe vijon punën për sqarimin e rrethanave […]

Lexo më shumë

COVID-19/ MSH: Përgjysmohen rastet e reja, rritet numri i viktimave në 24 orë

COVID-19/ MSH: Përgjysmohen rastet e reja, rritet numri i viktimave në 24 orë

Publikuar më 25.10.2021
Janë ulur ndjeshëm rastet e reja me Covid-19 në vend. Minist...

Janë ulur ndjeshëm rastet e reja me Covid-19 në vend. Ministria e Shëndetësisë bën me dije se gjatë 24 orëve të fundit 264 qytetarë kanë rezultuar pozitivë nga 444 që ishin një ditë më parë. Ndërkohë kemi një rritje të lehtë të fataliteteve ku 6 qytetarë kanë humbur jetën nga 4 që ishin dje. COVID19 […]

Lexo më shumë